രാജാക്കാട്: രാജാക്കാട് പഞ്ചായത്ത്,ഗവ. ആയൂർവേദ ഡിസ്പെൻസറി, എൻ.എച്ച്.എം ആയുഷ് പി എച്ച്സി,ആയുഷ് ഹെൽത്ത് ആൻ്റ് വെൽനെസ് സെൻ്റർ എന്നിവയുടെ നേതൃത്വത്തിൽ ചൊവ്വാഴ്ച രാവിലെ 10.30 മുതൽ 1 വരെ രാജാക്കാട് ആയുർവേദ യോഗ ഹാളിൽ ആയുഷ് വയോജന മെഡിക്കൽ ക്യാമ്പ് നടത്തുമെന്ന് സംഘാടകർ അറിയിച്ചു.ആയൂർവേദം,ഹോമിയോ വിഭാഗങ്ങളിൽ ചികിത്സ നൽകും. പഞ്ചായത്ത് വൈസ് പ്രസിഡൻ്റ് ദീപ പ്രകാശ് അദ്ധ്യക്ഷത വഹിക്കും. ഗ്രാമപഞ്ചായത്ത് പ്രസിഡൻ്റ് നിഷ രതീഷ് ഉദ്ഘാടനം ചെയ്യും, ബ്ലോക്ക് പഞ്ചായത്ത് പ്രസിഡൻ്റ് കെ.റ്റി കുഞ്ഞ് മുഖ്യപ്രഭാഷണം നടത്തും.ഹോമിയോ മെഡിക്കൽ ഓഫീസർ ഡോ.രൂപ ജോർജജ് സ്വാഗതവും ആയുർവേദ മെഡിക്കൽ ഓഫീസർ ഡോ. വി.എസ് നീന നന്ദിയും പറയും. ജില്ലാപഞ്ചായത്ത് സ്റ്റാൻഡിംഗ് കമ്മിറ്റി അംഗം ഉഷകുമാരി മോഹൻകുമാർ, ആരോഗ്യ വിദ്യാഭ്യാസ സ്റ്റാൻഡിംഗ് കമ്മിറ്റി ചെയർമാൻ ബെന്നി പാലക്കാട്ട്,സ്റ്റാൻഡിംഗ് കമ്മിറ്റി അംഗങ്ങളായ കെ.പി സുബീഷ്,ബിജി സന്തോഷ്, കിങ്ങിണി രാജേന്ദ്രൻ,ഹോമിയോ ആയുർവ്വേദം ആശുപത്രി വികസന സമിതി അംഗങ്ങൾ എന്നിവർ പ്രസംഗിക്കും.