കുമാരമംഗലം: കാർഷിക വികസന കർഷകഷേമ വകുപ്പ്, ഹോർട്ടികോർപ്പ് എന്നിവയുടെ സംയുക്തഭിമുഖ്യത്തിൽ ഓണസമൃദ്ധി എന്ന പേരിൽ നാടൻ പഴം, പച്ചക്കറി ഓണവിപണിക്ക് കുമാരമംഗലത്ത് തുടക്കമായി.
കുമാരമംഗലം ജംഗ്ഷനിൽ ആരംഭിച്ച ഓണ വിപണി പഞ്ചായത്ത് പ്രസിഡന്റ് ഗ്രേസി തോമസ് ഉത്ഘാടനം ചെയ്തു. വൈസ് പ്രസിഡന്റ് സിബിൻ വർഗീസ് അദ്ധ്യക്ഷത വഹിച്ച ചടങ്ങിൽ സ്ഥിരം സമിതി അദ്ധ്യക്ഷൻമാരായ ഷെമീന നാസ്സർ, ഉഷ രാജശേഖരൻ, കാർഷിക വികസന സമിതിയംഗങ്ങൾ,സി.എഡി.എസ് ചെയർപെഴ്സൺ ജിൻസി വർഗീസ്, അസിസ്റ്റന്റ് കൃഷി ഓഫീസർ കെ.ടി. ലേഖ, വി.കെ. ജിൻസ് തുടങ്ങിയവർ പങ്കെടുത്തു. കൃഷി ഓഫീസർ പി.ഐ. റഷീദ സ്വാഗതവും കൃഷി അസിസ്റ്റന്റ് വി.എം. സിദ്ധീഖ് നന്ദിയും പറഞ്ഞു. പ്രാദേശിക കർഷകരിൽ നിന്ന് സംഭരിച്ച ഏത്തക്ക, പാവൽ, പടവലം, കുക്കുമ്പർ, കോവയ്ക്ക, മറയൂർ ശർക്കര, ഹോർട്ടി കോർപ്പ് ഉത്പന്നങ്ങൾ തുടങ്ങിയവ കർഷക വിപണിയിൽ ലഭ്യമാണ്. കർഷകരിൽ നിന്ന് പത്ത് ശതമാനം അധിക വില നൽകി സംഭരിച്ച് പൊതുവിലയേക്കാൾ 30 ശതമാനം വില കുറച്ച് നൽകുന്ന ഓണ സമൃദ്ധി 14 വരെ തുടരും. ഓണ വിപണിയുടെ പ്രയോജനം കർഷകരും ഗുണഭോക്താക്കളും പ്രയോജനപ്പെടുത്തണമെന്ന് കൃഷി ഓഫീസർ അറിയിച്ചു.