ഇടുക്കി:ഓണം പ്രമാണിച്ച് സർക്കാർ സ്ഥാപനങ്ങൾ തുടർച്ചയായി അവധിയിലാകുന്ന സാഹചര്യം മുതലെടുക്കുന്നത് തടയാൻ തയ്യാറായി ജില്ലാ ഭരണകൂടം. ഭൂമി കൈയേറ്റം, മണ്ണ്, മണൽ, കല്ല് ,പാറ എന്നിവയുടെ അനധികൃത ഖനനം ,കടത്തൽ എന്നിവ തടയുന്നതിന് ജില്ല-താലൂക്ക് തലത്തിൽ സ്‌ക്വാഡുകൾ രൂപീകരിക്കാൻ ജില്ലാ കളക്ടർ വി. വിഗ്‌നേശ്വരി നിർദേശം നൽകി. അവധി ദിവസങ്ങളിൽ സ്‌ക്വാഡുകളുടെ നേതൃത്വത്തിൽ കർശന നിരീക്ഷണം ഉണ്ടാകും . അനധികൃത കൈയേറ്റമോ ഖനനമോ മറ്റ് അനധികൃത പ്രവർത്തനങ്ങളോ ശ്രദ്ധയിൽപ്പെട്ടാൽ പൊതുജനങ്ങൾക്ക് ജില്ലാ താലൂക്ക് തല സ്‌ക്വാഡുകളേയോ അതത് തഹസിൽദാർമാരേയോ അറിയിക്കാം. ഫോൺ : കളക്ട്രേറ്റ് 04862 232242, 232366, ഇടുക്കി 04862 235 361, 8547618435, തൊടുപുഴ 04862 222503, 8547612801, പീരുമേട് 04869 232 077, 8547612901, ഉടുമ്പൻചോല 04868 232050, 8547613201, ദേവികുളം 04865 264 231, 8547613101.