തൊടുപുഴ: ജില്ലാ ബാസ്‌ക്കറ്റ്‌ബോൾ അസോസിയേഷന്റെ ആഭിമുഖ്യത്തിൽ ജില്ല സീനിയർ ബാസ്‌ക്കറ്റ്‌ബോൾ ചാമ്പ്യൻഷിപ്പ് 17, 18 തീയതികളിൽ വഴിത്തല ശാന്തിഗിരി കോളേജ് ഇൻഡോർ സ്റ്റേഡിയത്തിൽ സംഘടിപ്പിക്കും. ജില്ലയുടെ വിവിധ ഭാഗങ്ങളിൽ നിന്നുള്ള ഇരുപതോളം അഫിലിയേറ്റഡ് ക്ലബ്ബുകളെ പ്രതിനിധീകരിച്ച് 200 ഓളം കളിക്കാർ ഈ ഔദ്യോഗിക ചാമ്പ്യൻഷിപ്പിൽ മാറ്റുരയ്ക്കും. ഒക്ടോബർ 1 മുതൽ 6 വരെ എറണാകുളം റീജണൽ സ്‌പോർട്സ് സെന്ററിൽ വെച്ച് കേരള ബാസ്‌ക്കറ്റ്‌ബോൾ അസോസിയേഷന്റെ ആഭിമുഖ്യത്തിൽ നടക്കുന്ന സംസ്ഥാന സീനിയർ ബാസ്‌ക്കറ്റ്‌ബോൾ ചാമ്പ്യൻഷിപ്പിനുള്ള ജില്ല പുരുഷ ,വനിതാ ടീമുകളെ ഈ ചാമ്പ്യൻഷിപ്പിലെ പ്രകടനമികവിന്റെ അടിസ്ഥാനത്തിൽ തെരഞ്ഞെടുക്കും. ജില്ലാ ചാമ്പ്യൻഷിപ്പിൽ പങ്കെടുക്കാൻ ആഗ്രഹിക്കുന്ന കളിക്കാർ കളിക്കുന്നതിനുള്ള കിറ്റും ക്ലബ്ബിൽ നിന്നുള്ള സാക്ഷ്യപത്രവും ആധാർ കാർഡുമായി 2024 സെ്ര്രപംബർ 17 രാവിലെ 8 മണിക്ക് വഴിത്തല ശാന്തിഗിരി കോളേജിൽ എത്തിച്ചേരണമെന്ന് ജില്ലാ ബാസ്‌ക്കറ്റ്‌ബോൾ അസോസിയേഷൻ സെക്രട്ടറി ജസ്വിൻ സജി അറിയിച്ചു. ടീമുകളുടെയും കളിക്കാരുടെയും രജിസ്‌ട്രേഷന് വേണ്ടി ബന്ധപ്പെടേണ്ട നമ്പർ: 8848015022