തൊടുപുഴ: ഐ.സി.ഡി.എസ്. (ഇൻ്റഗ്രേറ്റഡ് ചൈൽഡ് ഡെവലപ്‌മെൻ്റ് സർവീസസ് ) സംഘടിപ്പിക്കുന്ന 'പോഷൻ മാ ' പദ്ധതിയുടെ ഭാഗമായി നടപ്പിലാക്കുന്ന കർമ്മ പരിപാടിയുടെ ഭാഗമായി ഇടവെട്ടി മാർത്തോമ വാർഡിലെ 76-ാം നമ്പർ അങ്കണവാടിയിൽ പോഷകാഹാര പ്രദർശന മത്സരം സംഘടിപ്പിച്ചു. അബ്ബാസ് വടക്കേൽ അദ്ധ്യക്ഷത വഹിച്ച യോഗത്തിൽ പഞ്ചായത്ത് വികസന കാര്യ സ്റ്റാൻഡിംഗ് കമ്മിറ്റി ചെയർപേഴ്സൺ ഷീജ നൗഷാദ് ഉദ്ഘാടനം നിർവഹിച്ചു. പഞ്ചായത്ത് മെമ്പർ അസീസ് ഇല്ലിക്കൽ ,എ.എൽ.എം.എസ്.സി മെമ്പർമാരായ ഹലീമ മലയിൽ, റഹ്മത്ത് ഇബ്രാഹിം, ഷാലിമ അസീസ്,അൻഷിദ ഫൈസൽ എന്നിവർ ആശംസകളർപ്പിച്ചു . തുടർന്ന് സമ്മാനദാനവും നിർവ്വഹിച്ചു . യോഗത്തിൽ അങ്കണവാടി ടീച്ചർ സോയ എബ്രഹാം സ്വാഗതവും,ഹെൽപ്പർ നസീറ സാബു നന്ദിയും പറഞ്ഞു.