വെങ്ങല്ലൂർ:തൊടുപുഴ മുനിസിപ്പൽ യു.പി സ്കൂളിൽ വിപുലമായ ഓണാഘോഷം നടന്നു. മുനിസിപ്പൽചെയർപേഴ്സൺ സബീന ബിഞ്ചു ഓണാഘോഷങ്ങൾക്ക് തുടക്കം കുറിച്ചു. ഓണപ്പൂക്കളം, കുട്ടികൾക്കായി മലയാളി മങ്ക, കേരള കേസരി , കസേരകളി, മിഠായി പെറുക്കൽ, ബലൂൺ പൊട്ടിക്കൽ, സുന്ദരിക്ക് പൊട്ടുതൊടൽ, വടംവലി തുടങ്ങിയ മത്സരങ്ങളും,പി.ടി.എ അംഗങ്ങളുടെയും അദ്ധ്യാപകരുടെയും വടംവലി മത്സരങ്ങളും ഓണസദ്യയും നടത്തി. വിജയികൾക്ക് പഴേരി ഗോൾഡൻ ആൻ്റ് ഡയമണ്ട്സ് സ്പോൺസർ ചെയ്ത സമ്മാനങ്ങൾ വിതരണം ചെയ്തു. സമാപന സമ്മേളനത്തിൽ പി ടി എ പ്രസിഡന്റ് അഡ്വ.പ്രേംജി സുകുമാരൻ അധ്യക്ഷത വഹിച്ചു. മുൻസിപ്പൽ കൗൺസിലർ നിധി മനോജ് സമാപന സമ്മേളനം ഉദ്ഘാടനം ചെയ്തു. പഴേരി ഗോൾഡ് ആൻഡ് ഡയമണ്ട്സ് ഡയറക്ടർ അബ്ബാസ്. പി.എം. മുഖ്യ പ്രഭാഷണം നടത്തി. മുൻ ചെയർമാൻ രാജീവ് പുഷ്പാംഗദൻ, പി.ടി.എ വൈസ് പ്രസിഡന്റ് ഡോ. ഷാജി കെ.കെ, എം.പി.ടി.എ ചെയർപേഴ്സൺ നാദിയ ഷാജഹാൻ, നിസാർ പഴേരി എന്നിവർ ആശംസകൾ നേർന്നു. സ്കൂൾ എസ്.എം.സി. ചെയർമാൻ റഫീക്ക് പള്ളത്തുറമ്പിൽ സ്വാഗതവും ഹെഡ്മിസ്ട്രസ് സ്വപ്ന എം.ആർ. നന്ദിയും പറഞ്ഞു.