തൊടുപുഴ: കേരളത്തിൽ മണ്ണിടിച്ചിലിനും, ഉരുൾപൊട്ടലിനും സാദ്ധ്യതയുള്ള പ്രദേശങ്ങളെക്കുറിച്ച് പഠിച്ച് നടപടിവേണമെന്ന്മകേരള കോൺഗ്രസ് വർക്കിംഗ് പ്രസിഡന്റ് പി.സി. തോമസ്. വർഷങ്ങൾക്കു മുൻപേ ' ഡിസാസ്സ്റ്റർ മാനേജ്മെന്റ് അതോറിറ്റി യുടെ പഠന റിപ്പോർട്ടുള്ളതാണ്. സമീപകാലത്ത് ഐ.എസ്.ആർ.ഒ. യുടെ പഠന റിപ്പോർട്ടും പുറത്തു വന്നിട്ടുണ്ട്. വയനാട് ദുരന്തത്തിന്റെ പശ്ചാത്തലത്തിൽ മുല്ലപ്പെരിയാർ ഡാമിന്റെ വിഷയത്തിൽ മാത്രമല്ല, കേരളത്തിന്റെ വിവിധ മേഖലകളിൽ സംഭവിക്കാൻ സാദ്ധ്യതയുള്ള ദുരന്ത സാഹചര്യങ്ങളെ നേരിടുവാനും കരുതൽ നടപടികൾ സ്വീകരിക്കാനും കേന്ദ്ര സംസ്ഥാന സർക്കാരുകൾ തയ്യാറാക്കണം.ഈ ആവശ്യങ്ങൾ ഉന്നയിച്ചുകൊണ്ട് പ്രധാനമന്ത്രിക്കും മുഖ്യമന്ത്രിക്കും കത്തുകൾ അയച്ചെന്നും തോമസ് പറഞ്ഞു.