ഇടുക്കി: എല്ലാവർക്കും ഭൂമി എല്ലാ ഭൂമിക്കും രേഖ എല്ലാ സേവനങ്ങളും സ്മാർട്ട് എന്ന പ്രഖ്യാപിത ലക്ഷ്യത്തിന്റെ ഭാഗമായി സംസ്ഥാന സർക്കാറിന്റെ നൂറുദിന കർമ്മപരി പരിപാടിയോടനുബന്ധിച്ച് ഇടുക്കി, തൊടുപുഴ താലൂക്കുകളിലെ അർഹരായവർക്കുള്ള പട്ടയ വിതരണം വ്യാഴാഴ്ച രാവിലെ 10 ന് ചെറുതോണി ടൗൺഹാളിൽ നടക്കും. റവന്യുമന്ത്രി കെ. രാജൻ പട്ടയമേള ഉദ്ഘാടനം ചെയ്യും.ജല വിഭവ മന്ത്രി റോഷി അഗസ്റ്റിൻ അദ്ധ്യക്ഷത വഹിക്കും. അഡ്വ. ഡീൻ കുര്യാക്കോസ് എം. പി , എം എൽ എ മാരായ എം എം മണി , പി ജെ ജോസഫ് , വാഴൂർ സോമൻ, അഡ്വ.എ രാജ , ജില്ലാ പഞ്ചായത്ത് പ്രസിഡന്റ് കെ ടി ബിനു , ജില്ലാ കലക്ടർ വി വിഘ്‌നേശ്വരി, സബ് കലക്ടർമാരായ അനൂപ് ഗാർഗ്, വി എൻ ജയകൃഷ്ണൻ, എ ഡി എം ഷൈജു പി ജേക്കബ് മറ്റ് ജനപ്രതിനിധികൾ വിവിധ രാഷ്ട്രീയ പാർട്ടി പ്രതിനിധികൾ തുടങ്ങിയവർ പങ്കെടുക്കും. പീരുമേട്, ഉടുമ്പൻചോല, ദേവികുളം താലൂക്കുകളിലെ പട്ടയ വിതരണം അന്ന് ഉച്ചയ്ക്ക് 2.30 ന് ഉടുമ്പൻചോല താലൂക്ക് ഓഫീസിൽ നടക്കും.