പീരുമേട്:ഓട്ടോറിക്ഷ നിയന്ത്രണം വിട്ട് തല കീഴായി മറിഞ്ഞ് അഞ്ചു പേർക്ക് പരിക്ക്. ശനിയാഴ്ച്ച രാത്രി ഏഴരയോടെയാണ് അപകടം . അട്ടപ്പള്ളം കർഷകചന്തയിൽ നിന്നും സാധനങ്ങളുമായി വണ്ടിപ്പെരിയാറിലേക്ക് വരികയായിരുന്ന ഓട്ടോറിക്ഷ അറുപത്തഞ്ചാം മൈൽ പാലത്തിനു സമീപം നിയന്ത്രണം വിട്ട് തലകീഴായി മറിയുകയായിരുന്നു.കഴിഞ്ഞ ദിവസം പെയ്ത ചാറ്റൽ മഴയാണ് അപകടത്തിന് കാരണം.വാഹനത്തിൽ മൂന്നു വയസ്സ് പ്രായമുള്ള കുട്ടി ഉൾപ്പെടെ നാല് യാത്രക്കാരും ഡ്രൈവറും ഉണ്ടായിരുന്നു. അപകടത്തിൽ അഞ്ചുപേർക്കും പരിക്കേറ്റു. വണ്ടിപ്പെരിയാർ തങ്കമല സ്വദേശികളായ ചെല്ലദുരൈ, (44 )ഉഷ, (39)ഇവരുടെ മകൾ ദിയ, (3) ധനലക്ഷ്മി, (28) എന്നിവർക്കാണ് പരിക്കേറ്റത് ഇവരെ കുമളി സ്വകാര്യ ആശുപത്രിയിൽ പ്രാഥമിക ചികിത്സക്ക് ശേഷം വിദഗ്ദ്ധ ചികിത്സയ്ക്കായി തേനി മെഡിക്കൽ കോളേജിൽ പ്രവേശിപ്പിച്ചു.പൊലീസ് സ്ഥലത്തെത്തി മേൽ നടപടികൾ സ്വീകരിച്ചു.