കട്ടപ്പന:വന്യജീവി വാരാഘോഷത്തിന്റെ ഭാഗമായി സ്‌കൂൾ, കോളേജ് വിദ്യാർത്ഥികളെ പങ്കെടുപ്പിച്ചുകൊണ്ട് ജില്ലാ സോഷ്യൽ ഫോറസ്ട്രി ഡിവിഷൻ വിവിധ മൽസരങ്ങൾ നടത്തും. 2, 3 തീയതികളിൽ കട്ടപ്പന ഗവ. ട്രൈബൽ ഹൈസ്‌കൂളിലാണ് മത്സരങ്ങൾ. ജില്ലാതലത്തിൽ ഒന്നും, രണ്ടും, മൂന്നും സ്ഥാനങ്ങൾ നേടുന്നവർക്ക് യഥാക്രമം 2500,​ 1500,​ 1000 രൂപാ വീതം തുകയും സർട്ടിഫിക്കേറ്റും ലഭിക്കും.അംഗീകാരമുള്ള വിദ്യാഭ്യാസ സ്ഥാപനങ്ങളിൽ നിന്നും അധികാരികൾ സാക്ഷ്യപ്പെടുത്തിയ കത്തുമായി എത്തുന്ന രണ്ട് പേർക്ക് വീതം ഓരോ വിഭാഗത്തിലും പങ്കെടുക്കാം. ക്വിസ് മൽസരത്തിന് രണ്ടു പേർ ഉൾപ്പെടുന്ന ഒരു ടീമിന് ഒരു സ്ഥാപനത്തിൽ നിന്നും ഓരോ വിഭാഗത്തിലും പങ്കെടുക്കാവുന്നതാണ്. ഹയർ സെക്കൻഡറി തലതിലുള്ള മത്സരാർത്ഥികളെ കോളേജ് വിഭാഗത്തിൽ ഉൾപ്പെടുത്തും.

ജില്ലാതല മത്സരങ്ങളുടെ സമയ വിവരം.ഒക്ടോബർ രണ്ട്: രാവിലെ 9 ന് രജിസ്‌ട്രേഷൻ . 9.30 മുതൽ 11.30 വരെ പെൻസിൽഡ്രോയിംഗ് (എൽ.പി. യു.പി, ഹൈസ്‌കൂൾ. കോളേജ് വിഭാഗം). 11.45 മുതൽ 12.45 വരെ ഉപന്യാസം (ഹൈസ്‌കൂൾ, കോളേജ് വിഭാഗം) ഉച്ചയ്ക്ക് 2.15 മുതൽ 4,15 വരെ ജലച്ചായ ചിത്രരചനാ മത്സരം (എൽ.പി, യു.പി, ഹൈസ്‌കൂൾ, കോളേജ് വിഭാഗം),​ഒക്ടോബർ മൂന്നിന് രാവിലെ 10 മുതൽ ക്വിസ് മത്സരം (ഹൈസ്‌കൂൾ, കോളേജ് വിഭാഗം) ഉച്ചയ്ക്ക് 2 മുതൽ പ്രസംഗം ,(ഹൈസ്‌കൂൾ, കോളേജ് വിഭാഗം)

കൂടുതൽ വിവരങ്ങൾക്ക്. 04862 2325105, 9946413435