കാസർകോട്: കാസർകോട് ജില്ലാ സാക്ഷരതാ മിഷന്റെ ആഭിമുഖ്യത്തിൽ ലോക സാക്ഷരതാ ദിനം വിപുലമായ രീതിയിൽ ആഘോഷിച്ചു. കാസർകോട് ഗവ. ഹയർ സെക്കൻഡറി സ്കൂളിൽ നടന്ന പരിപാടി എൻ.എ നെല്ലിക്കുന്ന് എം.എൽ.എ ഉദ്ഘാടനം ചെയ്തു. ജില്ലാ പഞ്ചായത്ത് സ്റ്റാൻഡിംഗ് കമ്മിറ്റി ചെയർമാൻ അഡ്വ. എസ്.എൻ സരിത അദ്ധ്യക്ഷത വഹിച്ചു. ആദ്യകാല സാക്ഷരതാ പ്രവർത്തകർ, മുതിർന്ന തുല്യതാ പഠിതാക്കൾ, ഉന്നത വിജയികൾ അദ്ധ്യാപകർ, പ്രേരക്കുമാർ എന്നിവരെ ആദരിച്ചു. സാക്ഷരതാ ദിന സന്ദേശവും സാക്ഷരത പ്രതിജ്ഞയും ദുരന്തനിവാരണത്തെ കുറിച്ചുള്ള ക്ലാസും സംഘടിപ്പിച്ചു. സാക്ഷരതാ മിഷൻ മോണിറ്ററിംഗ് കോർഡിനേറ്റർ ഷാജുജോൺ, ജില്ലാ കോഡിനേറ്റർ പി.എൻ ബാബു മുതിർന്ന സാക്ഷരത പ്രവർത്തകരായ പപ്പൻ കുട്ടമത്ത്, കെ.വി രാഘവൻ, കെ.വി വിജയൻ, മയിൽ പാടി രാഘവൻ, സി.പി.വി വിനോദ് കുമാർ എന്നിവരും കൗൺസിലർ അഫീല ബഷീർ, കൈറ്റ് ജില്ലാ കോഡിനേറ്റർ റോജി ജോസഫ്, സതീശൻ ബേവിഞ്ച, എം. ഉമേശൻ, കെ രാധാകൃഷ്ണൻ, എം. ഷമീർ, സി.കെ പുഷ്പകുമാരി, കെ.പി പുഷ്പലത, കെ. സുജിത, പി. പുഷ്പ കുമാരി, കെ. അബ്ദുൽ ബഷീർ, ബഷീർ, ബഷീർ പൈക്ക എന്നിവരും സംസാരിച്ചു. ബഷീർ നായന്മാർമൂല, ബഷീർ പൈക്ക, ഹമീദ് വെണ്ടിച്ചാൽ, ഹമീദ് കീഴൂർ, നിസാഫ് എന്നിവർ പരിപാടികൾക്ക് നേതൃത്വം കൊടുത്തു