കൊട്ടിയൂർ:കൊട്ടിയൂർ ദേവസ്വം ചെയർമാൻ കെ.സി.സുബ്രഹ്മണ്യൻ നായർ രാജിവെച്ചു.അനാരോഗ്യം ചൂണ്ടിക്കാണിച്ചാണ് ചെയർമാൻ സ്ഥാനം രാജിവെച്ചത്.മലബാർ ദേവസ്വം ബോർഡ് കമ്മീഷണർക്കാണ് രാജി സമർപ്പിച്ചത്.കഴിഞ്ഞ നാലു വർഷമായി കൊട്ടിയൂർ ദേവസ്വം ചെയർമാനാണ് ഇദ്ദേഹം. ഒൻപതംഗ ട്രസ്റ്റി ബോർഡ് ആണ് ചെയർമാനെ തിരഞ്ഞെടുക്കുന്നത്. നാല് പാരമ്പര്യ ട്രസ്റ്റിമാരും അഞ്ച് പാരമ്പര്യേതര ട്രസ്റ്റിമാരും അടങ്ങുന്നതാണ് കൊട്ടിയൂർ ദേവസ്വം ട്രസ്റ്റി ബോർഡ്. ഇതിൽ ഒൻപത് അംഗങ്ങൾക്കും വോട്ടവകാശം ഉണ്ടെങ്കിലും പാരമ്പര്യ ട്രസ്റ്റിക്ക് മാത്രമേ ചെയർമാൻ പദവിയിലേക്ക് മത്സരിക്കാൻ സാധിക്കുകയുള്ളു. മണത്തണയിലെ നായർ തറവാടുകളായ ആക്കൽ, തിട്ടയിൽ,കരിമ്പനയ്ക്കൽ ചാത്തോത്ത്,കുളങ്ങരയത്ത് എന്നീ നാല് കുടുംബങ്ങളിലെ ഏറ്റവും പ്രായം കൂടിയ പുരുഷൻമാരാണ് പാരമ്പര്യ ട്രസ്‌റ്റിമാരായി കൊട്ടിയൂരിലെത്തുന്നത്.

പടം: കൊട്ടിയൂർ ദേവസ്വം ചെയർമാൻ സ്ഥാനത്തുനിന്നും രാജിവെച്ച കെ.സി. സുബ്രഹ്മണ്യൻ നായർ