ക​ണ്ണൂ​ർ: നാശോന്മുഖമായ മു​ണ്ട​യാ​ട് ഇ​ൻ​ഡോ​ർ സ്റ്റേ​ഡി​യം ന​വീ​ക​രണത്തിന് ഒ​ന്ന​ര​ക്കോ​ടി അ​നു​വ​ദി​ച്ച് കാ​യി​ക വ​കു​പ്പ് . സ്റ്റേഡിയത്തിന്റെ ദുരവസ്ഥയ്ക്കെതിരെ പ്രതിഷേധമുയർന്നതിനെ തുടർന്നാണ് നടപടി.സ്റ്റേഡിയം നവീകരിക്കണമെന്ന് ആവശ്യപ്പെട്ട് കോർപറേഷൻ മന്ത്രി എ.ബി.രാജേഷിന്റെ നേതൃത്വത്തിൽ നടന്ന അദാലത്തിൽ നിവേദനം നൽകിയിരുന്നു. ജില്ലാതല അദാലത്ത് സംഘടിപ്പതും ഇതെ സ്റ്റേഡിയത്തിലായിരുന്നു.

കേരളത്തിൽ സംഘടിപ്പിക്കപ്പെട്ട ദേ​ശീ​യ ഗെ​യിം​സി​ൽ നിരവധി മത്സരങ്ങൾ ഇവിടെ നടന്നിരുന്നു.ഇതിന് പി​ന്നാ​ലെ 35-ാമ​ത് ദേ​ശീ​യ ബോ​ക്‌​സിം​ഗ് ചാ​മ്പ്യൻ​ഷി​പ്പ്, അ​ന്താ​രാ​ഷ്ട്ര ക​രാ​ട്ടെ മ​ത്സ​രം എ​ന്നി​വ​യും നടന്നു. കൊവി​ഡി​നെ തു​ട​ർ​ന്ന് അന്നത്തെ ക​ള​ക്ട​ർ ടി.​വി.സു​ഭാ​ഷ് കൊവി​ഡ് കെ​യ​ർ ഹോ​മാ​ക്കി മാ​റ്റാ​ൻ പ്ര​ത്യേ​ക ഉ​ത്ത​ര​വി​ലു​ടെ സ്റ്റേ​ഡി​യം ഏ​റ്റെ​ടു​ത്തു​.ഇതെ തുടർന്ന് മാ​സ​ങ്ങ​ളോ​ളം കൊവി​ഡ് ട്രീ​റ്റ്‌​മെ​ന്റ് സെ​ന്ററാ​യി സ്റ്റേ​ഡി​യം പ്ര​വ​ർ​ത്തി​ച്ചു. ഇതിന് ശേഷം സ്പോ​ർ​ട്‌​സ് കൗ​ൺ​സി​ലി​ന് കൈ​മാ​റി​യെ​ങ്കി​ലും സ്റ്റേ​ഡി​യ​ത്തി​ന്റെ ന​വീ​ക​ര​ണം ന​ട​ന്നി​രു​ന്നി​ല്ല. ഇ​തോ​ടെ വ​ട​ക്ക​ൻ കേ​ര​ള​ത്തി​ലെ ഏ​റ്റ​വും മി​ക​ച്ച സ്റ്റേ​ഡി​യ​ങ്ങ​ളി​ലൊ​ന്ന് നാ​ശ​ത്തിന്റെ വ​ക്കി​ലേ​ക്കെ​ത്തു​ക​യാ​യി​രു​ന്നു.

മൃ​ഗ​സം​ര​ക്ഷ​ണ വ​കു​പ്പി​ൽ നി​ന്നും സ​ർ​ക്കാ​ർ ഏ​റ്റെ​ടു​ത്ത 6.55 ഹെ​ക്‌​ട​ർ സ്ഥ​ല​ത്താണ് സ്റ്റേഡിയം നിർമ്മിച്ചത്.2015 ജ​നു​വ​രി 15ന് ​അ​ന്ന​ത്തെ മു​ഖ്യ​മ​ന്ത്രി ഉ​മ്മ​ൻചാ​ണ്ടി​യാ​ണ് ഉ​ദ്ഘാ​ട​നം ചെ​യ്ത​ത്.ദേ​ശീ​യ ഗെ​യിം​സ് മേ​ധാ​വി​ക​ളു​ടെ മേ​ൽ​നോ​ട്ട​ത്തി​ലാ​യി​രു​ന്നു നിർമ്മാണം. റാ​യ് ക​ൺ​സ്ട്ര​ക്ഷ​നാ​യി​രു​ന്നു ക​രാ​ർ ചു​മ​ത​ല.ഷ​ട്ടി​ൽ, ബാ​ഡ്‌​മിന്റ​ൺ, ടേ​ബി​ൾ ടെ​ന്നീ​സ്, ഗു​സ്‌​തി, ബാ​സ്ക്ക​റ്റ് ബോ​ൾ, പ​ഞ്ച​ഗു​സ്‌​തി, ടെ​ന്നി​സ്, ബോ​ക്‌​സിം​ഗ്, ക​രാ​ട്ടെ, കു​ഗ്ഫു എ​ന്നി​വ​യു​ൾ​പ്പെ​ടെ​യു​ള്ള കാ​യി​ക ഇ​ന​ങ്ങ​ൾ ഇ​വി​ടെ ന​ട​ത്താ​നു​ള്ള സൗ​ക​ര്യം ഒ​രു​ക്കി​യി​രു​ന്നു.

കെട്ടിടം തകർന്ന നിലയിൽ

നി​ല​വി​ൽ മ​ഴ​പെ​യ്താ​ൽ ചോ​ർ​ന്നൊ​ലി​ക്കു​ന്ന കെ​ട്ടി​ട​വും നി​ല​ത്തു പാ​കി​യ മ​ര​ത്തി​ന്റെ ത​ക​ർ​ന്നു​കി​ട​ക്കു​ന്ന ഫ്ലോ​ർ പാ​ന​ലിം​ഗും കാ​ടു​മൂ​ടി കി​ട​ക്കു​ന്ന പ​രി​സ​ര​വു​മാണ് ഇന്ന് ഇ​ൻ​ഡോ​ർ സ്റ്റേ​ഡി​യ​ത്തിനുള്ളത്.വ​ൻ തു​ക മു​ട​ക്കി നി​ർ​മ്മി​ച്ച സ്റ്റേ​ഡി​യ​ത്തി​ലെ എല്ലാ സജ്ജീകരണങ്ങളും ഉപകരണങ്ങളും ഉ​പ​യോ​ഗശൂ​ന്യ​മാ​യി. സ്റ്റേ​ഡി​യ​ത്തി​ലേ​ക്കു​ള്ള പ​ല വ​ഴി​ക​ളും കാ​ടു​ക​യ​റി സ​ഞ്ചാ​ര യോ​ഗ്യ​മ​ല്ലാതായി. സ്റ്റേ​ഡി​യ​ത്തി​ന് പു​റ​ത്തെ ടെ​ന്നീ​സ് കോ​ർ​ട്ടും വോ​ളി​ബോ​ൾ കോ​ർ​ട്ടും നാ​ശ​ത്തി​ന്റെ വ​ക്കി​ലാ​ണ്. നി​ല​വി​ൽ സ്റ്റേ​ഡി​യം സ്വ​കാ​ര്യ വ്യ​ക്‌​തി​ക​ൾ​ക്കു​ൾ​പ്പെ​ടെ വി​വാ​ഹം പോ​ലു​ള്ള ച​ട​ങ്ങു​ക​ൾ​ക്കാ​യി വി​ട്ടുന​ൽ​കു​ക​യാ​ണ്. സ്റ്റേ​ഡി​യ​ത്തി​ന്റെ ദു​ര​വ​സ്ഥ​യ്‌​ക്ക് പ​രി​ഹാ​രം കാ​ണ​ണ​മെ​ന്ന് ആ​വ​ശ്യ​പ്പെ​ട്ട് പ്ര​തി​പ​ക്ഷ സം​ഘ​ട​ന​ക​ളി​ൽ നി​ന്നും പ്ര​ദേ​ശ​വാ​സി​ക​ളി​ൽ നി​ന്നു​മ​ട​ക്കം പ്ര​തി​ഷേ​ധം ശ​ക്ത​മാ​യി​രു​ന്നു. ഇ​തിന് പിന്നാലെയാണ് സ്റ്റേ​ഡി​യം ന​വീ​ക​രി​ക്കാ​ൻ കാ​യി​ക വ​കു​പ്പ് തു​ക അ​നു​വ​ദി​ച്ച​ത്.

മുണ്ടയാട് ഇൻഡോർ സ്റ്റേഡിയം

ചിലവ് -33 കോ​ടി

വിസ്തൃതി 2,600 ചതുരശ്ര അ​ടി

ശേഷി 5000