വടകര: കൃഷി വകുപ്പും ചോറോട് ഗ്രാമപഞ്ചായത്ത് കൃഷിഭവൻ-ഗ്രാമശ്രീ അയൽപക്ക സൗഹൃദ വേദി എന്നിവയുടെ സംയുക്താഭിമുഖ്യത്തിൽ കൃഷിയിടങ്ങളിലെ മണ്ണ് പരിശോധന നടത്തി. നാൽപ്പതോളം കൃഷിയിടങ്ങളിൽ നിന്ന് മണ്ണ് മുൻകൂട്ടി ശേഖരിച്ചാണ് പരിശോധന നടത്തിയത്. രാമത്ത് കാവിന് സമീപം പ്രസാദ് വിലങ്ങിൽ ഉദ്ഘാടനം ചെയ്തു. എൻ.കെ. അജിത് കുമാർ അദ്ധ്യക്ഷത വഹിച്ചു. മൊബിൽ സോയിൽ ടെസ്റ്റിംഗ് ലാബോറട്ടറി അസി. ഡയറക്ടർ സ്മിത നന്ദിനി. പി.കെ ക്ലാസെടുത്തു. ചോറോട് കൃഷി ഓഫീസർ മുബാറക് ഒ.പി, എൻ.കെ. മോഹനൻ, ഷാനവാസ് എന്നിവർ പ്രസംഗിച്ചു. ഷാജു. ബി. സ്വാഗതവും പി.പി. സുരേന്ദ്രൻ നന്ദിയും പറഞ്ഞു.