കോഴിക്കോട്: അ​പ​ക​ട​ത്തി​ൽപെട്ട് മെഡിക്കൽ കോളേജിലെത്തുന്ന രോ​ഗി​ക​ൾ​ക്ക് എ​ക്സ്​റേ എ​ടു​ക്ക​ണ​മെ​ങ്കി​ൽ ന​ട്ടം തി​രി​യ​ണം. പു​തു​താ​യി​ ​പ്ര​വ​ർ​ത്ത​നമാ​രം​ഭി​ച്ച​ ​പി.​എം.​എ​സ്.​എ​സ്.​വെെ​ ​ബ്ലോ​ക്ക് ​കാ​ഷ്വാ​ലി​റ്റി​യി​ലെ​ ​എ​ക്സ്റേ​ കഴിഞ്ഞ ഒരാഴ്ചയായി പണിമുടക്കിലാണ്. പുതിയ കാഷ്വാലിറ്റി ആരംഭിച്ചത് മുതൽ എ​ക്സ്​റേ യൂണിറ്റ് പണി മുടക്കുന്നത് നിത്യസംഭവം. കേടുപാടുകൾ ശരിയാക്കി തിരിച്ചെത്തിച്ചാൽ വീണ്ടും പഴയ പടി. പ​രാ​തി​ക​ൾ​ ​കു​ന്നു​കൂ​ടി​യി​ട്ടും​ ​പ്ര​ശ്‌​ന​ ​പ​രി​ഹാ​ര​ത്തി​ന് ​അ​ധി​കൃ​ത​ർ​ ​ത​യ്യാ​റാ​വാ​ത്ത​ത് ​പ്ര​തി​ഷേ​ധ​ത്തി​ന് ​ഇ​ട​യാ​ക്കിയിട്ടുണ്ട്.

നിലവിൽ എ​ക്സ്​റേ യൂണിറ്രിന്റെ ഇമേജ് റീഡർ തകരാറിലായതാണ് പ്രതിസന്ധിക്ക് കാരണം. കേടായ ഉപകരണത്തിന് പകരം പുതിയത് മറ്റുള്ള സംസ്ഥാനങ്ങളിൽ നിന്ന് എത്തേണ്ടതിനാൽ ദിവസങ്ങൾ പിടിക്കും. ഇതോടെ ആശുപത്രിയിലെത്തുന്ന ​നി​ർ​ദ്ധ​ന​രാ​യ​ ​രോ​ഗി​ക​ൾക്ക്​ ​അ​ധി​ക​ തു​ക​ ​ന​ൽ​കി​ ​പു​റ​ത്ത് ​സ്വ​കാ​ര്യ​ ​ലാ​ബി​ൽ​ ​എ​ക്‌​സ്‌​റേ​ ​എ​ടു​ക്കേ​ണ്ട​ ​സ്ഥിതിയാണ്. സാ​ങ്കേ​തി​ക​ ​കാ​ര​ണ​ങ്ങ​ൾ​ ​കൊ​ണ്ടാ​ണ് എ​ക്സ്റേ​ ​പ​ണി​ ​മു​ട​ക്കു​ന്ന​തെ​ന്നാ​ണ് ​അ​ധി​കൃ​തർന​ൽ​കു​ന്ന​ ​വി​ശ​ദീ​ക​ര​ണം.​ ​എ​ന്നാ​ൽ​ ​മോ​ശ​മാ​യ​ ​എ​ക്സ്​റേ​ ​യൂ​ണി​റ്റ് ​സ്ഥാ​പി​ച്ച​ത്കൊ​ണ്ടാ​ണ് ​ഇ​ട​യ്ക്കി​ടെ​ ​പ​ണി​ ​മു​ട​ക്കു​ന്ന​തെ​ന്നാ​ണ് ​രോ​ഗി​ക​ൾ​ ​പറയു​ന്ന​ത്. സൂ​പ്പ​ർ​ ​സ്‌​പെ​ഷ്യാ​ലി​റ്റി​ ​ബ്ലോ​ക്കി​ന്റെ​ ​നി​ർ​മാ​ണ​ ​ക​രാ​ർ​ ​എ​ടു​ത്ത​ ​എ​ച്ച്.​എ​ൽ.​എ​ല്ലി​ന്റെ​ ​ടെ​ക്നി​ക്ക​ൽ​ ​വി​ഭാ​ഗം​ ​കൈ​കാ​ര്യം​ ​ചെ​യ്യു​ന്ന​ ​'​ഹൈ​ക്ക് ​'​ ​ആ​ണ് ​എ​ക്‌​സ്​റേ​ ​മെ​ഷീ​ൻ​ ​സ്ഥാ​പി​ച്ച​ത്.​ ​ഒ​രു​ദി​വ​സം​ 700​ല​ധി​കം​ ​എ​ക്‌​സ്​റേ​ ​എ​ടു​ക്കേ​ണ്ടി​വ​രു​ന്ന​ ​അ​ത്യാ​ഹി​ത​ ​വി​ഭാ​ഗ​ത്തി​ന് ​യോ​ജി​ച്ച​ത​ല്ല​ ​ഇ​തെ​ന്ന് ​മെ​ഡി​ക്ക​ൽ​ ​സം​ഘം​ ​ചൂ​ണ്ടി​ക്കാ​ട്ടി​യി​രു​ന്നു.​ ​എ​ന്നി​ട്ടും​ ​പു​തി​യ​ ​സം​വി​ധാ​നം​ ​ഏ​ർ​പ്പെ​ടു​ത്താ​തെ​ ​അ​നാ​സ്ഥ​ ​തു​ട​രു​ക​യാ​ണ്.

രോഗികൾക്ക് കഷ്ടകാലം

എക്സ്റേ പണിമുടക്കിയതോടെ രോ​ഗി​ക​ൾ​ രണ്ടാംനിലയിലെ ​ഒ.​പി​ ​വി​ഭാ​ഗം​ ​10, 13 ​ ​മു​റി​യി​ലെ​ത്തി​യാ​ണ് ​എ​ക്സ്റേ​ ​എ​ടു​ക്കുന്നത്.​ ​​ഒ​പി​യി​ലേ​യും​ ​കാ​ഷ്വാ​ലി​റ്റി​യി​ലേ​യും​ ​ആ​ളു​ക​ൾ​ ​എ​ക്സ്റേയ്ക്കാ​യി ഒ.​പി.​ ​ബ്ലോ​ക്കി​ൽ​ ​എ​ത്തു​ന്ന​ത് ​ഇ​വി​ടേ​യും​ ​തി​ര​ക്ക് ​വ​ർ​ദ്ധി​പ്പി​ക്കുന്നുണ്ട്. 300​ ​മീ​റ്റ​ർ​ ​അ​ക​ലെ​യുള്ള ബ്ലോ​ക്കി​ൽ​ ​എ​ക്‌​സ്​റേ​ ​പ്ര​വ​ർ​ത്തി​ക്കു​ന്നു​ണ്ടെ​ങ്കി​ലും​ ​ഗു​രു​ത​ര​ ​പ​രി​ക്കേ​റ്റ് ​എ​ത്തു​ന്ന​വ​രെ​യും​ ​അ​ത്യാ​സ​ന്ന​നി​ല​യി​ൽ​ ​എ​ത്തു​ന്ന​വ​രെ​യും​ ​അ​വി​ടെ​യെത്തി​ച്ച് ​എ​ക്സ്റേ​ ​എ​ടു​ക്കു​ന്ന​ത് ​പ്ര​യാ​സം​ ​സൃ​ഷ്ടി​ക്കും. ഇ​ത് ​ ​ചി​കി​ത്സ​ ​വൈ​കാ​ൻ​ ​ഇ​ട​യാ​ക്കു​ക​യും ചെയ്യും

എന്ന് വരും, പുതിയ യൂണിറ്റ്

പി.എം.എസ്.എസ്.വെെയിൽ ഒരുങ്ങുന്ന എ​ക്സ്റേ​യു​ടെ ര​ണ്ടാ​മ​ത്തെ യൂ​ണിറ്റ് തുറന്നുനൽകാത്തതും പ്രതിസന്ധി കൂട്ടുകയാണ്. അ​ത്യാ​ധു​നി​ക മെഷീനുകളടക്കം സ്ഥാപിച്ച് പ്രവൃത്തി പൂർത്തീകരിച്ച യൂണിറ്റ് ടെക്നിക്കൽ അനുമതി ലഭിച്ചിട്ടില്ലെന്ന പേരും പറഞ്ഞ് പൂട്ടിയിട്ടിരിക്കുകയാണ്. ഡി​ജി​റ്റ​ൽ റേ​ഡി​യോ​ഗ്രാഫി​ക് സം​വി​ധാ​ന​വും കൂ​ടു​ത​ൽ പ്ര​വ​ർ​ത്ത​ന​ക്ഷ​മ​വു​മാ​യ മെ​ഷീ​നാ​ണ് ര​ണ്ടാ​മ​ത്തെ യൂ​ണിറ്റി​ൽ സജ്ജമാക്കിയിട്ടുള്ളത്. ഇ​ത് സ്ഥാ​പി​ക്കു​ന്ന​തോ​ടെ എ​ക്സ്​റേ എ​ടു​ക്കു​ന്ന​തി​ന് വേ​ഗതയും കൂടുതൽ വ്യക്തതയും കെെവരും.സംവിധാനം നിലവിൽ വരുന്നതോടെ എക്സ്‌റേ എടുക്കാനായി ഒരു വിരലമർത്തിയാൽ മതി. ഒരുമിനിറ്റിനകം എക്സ്‌റേയുടെ കമ്പ്യൂട്ടർ ദൃശ്യം ലഭിക്കും. ഇത് ഇന്റർനെറ്റ് വഴി അയക്കാനും ചികിത്സിക്കുന്ന ഡോക്ടർമാർക്ക് ഉടൻ പരിശോധിക്കാനും സാധിക്കും. പഞ്ചാബ് ആസ്ഥാനമായ അലഞ്ചർസ് മെഡിക്കൽ സിസ്റ്റംസ് കമ്പനിയാണ് എക്സ്‌റേ മെഷീന്റെ നിർമാതാക്കൾ.