കോഴിക്കോട്: ഓണം നിറമുള്ളതാക്കാൻ ജില്ലയിലെങ്ങും ഓണച്ചന്തകൾ ഒരുങ്ങി. സപ്ളൈകോ, കൺസ്യൂമർഫെഡ്, ഹോർട്ടികോർപ്പ് എന്നീ സ്ഥാപനങ്ങളെല്ലാം വലിയ വിലക്കുറവിലാണ് നിത്യോപയോഗ സാധനങ്ങൾ സ്റ്റാളുകളിലൂടെ നൽകുന്നത്. ചന്തകളിൽ ഉപ്പുതൊട്ട് കർപ്പൂരം വരെ ലഭ്യമാണ്. വൈവിദ്ധ്യമാർന്ന ഉത്പന്നങ്ങളുമായി കുടുംബശ്രീ ഓണച്ചന്തകളും ഇന്നലെ ആരംഭിച്ചു. മുതലക്കുളം മൈതാനിയിൽ കോർപ്പറേഷൻ ഓണച്ചന്തയും ബീച്ചിൽ ജില്ലാതല ഓണചന്തകൾക്കും തുടക്കമായി. പച്ചക്കറി മുതൽ പൂക്കൾവരെ കുടുംബശ്രീ ഓണച്ചന്തകളിലുണ്ട്. വറുത്ത ഉപ്പേരിയും ശർക്കരവരട്ടിയും വസ്ത്രങ്ങളും കരകൗശല ഉത്പ്പന്നങ്ങളും പല ബ്രാൻഡുകളിൽ ലഭ്യമാണ്. ഫ്രഷ് ബൈറ്റ്സ് ചിപ്സ്, ശർക്കര വരട്ടി തുടങ്ങിയ കുടുംബശ്രീ ബ്രാൻഡുകൾ എടുത്തുപറയേണ്ടതാണ്. പ്രാദേശിക കർഷകർ കൃഷിചെയ്ത ചെണ്ടുമല്ലി, ജമന്തി, മുല്ല തുടങ്ങി വിവിധയിനം പൂക്കളും മേളയിലുണ്ട്. കുടുംബശ്രീ സംരംഭകർ നിർമ്മിക്കുന്ന തദ്ദേശീയ ഉത്പ്പന്നങ്ങളും മേളയയുടെ ആകർഷണമാണ്. ഗുണമേന്മയുള്ള ഉത്പ്പന്നങ്ങൾ ഉപഭോക്താക്കൾക്ക് ന്യായവിലയ്ക്ക് ലഭ്യമാക്കുകയാണ് കുടുംബശ്രീ ഓണച്ചന്തകളുടെ ലക്ഷ്യം. ഒരു അയൽക്കൂട്ടത്തിൽ നിന്ന് കുറഞ്ഞത് ഒരുത്പ്പന്നമെങ്കിലും മേളയിലുണ്ട്. ധാന്യപ്പൊടി, ഭക്ഷ്യോത്പ്പന്നങ്ങൾ, മൂല്യവർദ്ധിത ഉത്പ്പന്നങ്ങൾ, കരകൗശല വസ്തുക്കൾ, വസ്ത്രങ്ങൾ എന്നിവയും മേളയിൽ ലഭിക്കും. മേള സംഘടിപ്പിക്കാൻ ജില്ലയ്ക്ക് രണ്ട് ലക്ഷം രൂപയും ഗ്രാമ, നഗര സി.ഡി.എസുകൾക്ക് 10,000 രൂപ വീതവുമാണ് സർക്കാർ നൽകിയിട്ടുള്ളത്. രണ്ട് ഓണം മേളകൾ സംഘടിപ്പിക്കുന്ന സി.ഡി.എസുകൾക്ക് 20,000 രൂപയാണ് നൽകിയിരിക്കുന്നത്.

ഓണം പൊടിപൊടിക്കാൻ

സപ്ലൈകോയും കൺസ്യൂമർ ഫെഡും

കൃത്രിമ വിലക്കയറ്റം പിടിച്ച് നിർത്താനും അവശ്യ സാധനങ്ങൾ വിലക്കുറവിൽ ലഭ്യമാക്കാനും സപ്ലൈകോയും കൺസ്യൂമർ ഫെഡും ആരംഭിച്ച ഓണച്ചന്തയി. തിരക്കേറുകയാണ്. നിത്യോപയോഗ സാധനങ്ങൾ പൊതുവിപണിയെക്കാൾ 30 മുതൽ 50 ശതമാനം വരെ വിലക്കുറവിലാണ് നൽകുന്നത്. ജില്ലയിൽ 16 ത്രിവേണി സൂപ്പർ മാർക്കറ്റുകളിലും 125 സഹകരണ സംഘങ്ങളിലുമായി 141 കേന്ദ്രങ്ങളിലാണ് ഓണച്ചന്തകളുള്ളത്. സപ്ലൈകോയുടെ നേതൃത്വത്തിൽ 14 ഓണച്ചന്തകളാണുള്ളത്. സ്റ്രേഡിയം ജംഗ്ഷന് സമീപത്തെ ജില്ലാതല ഓണച്ചന്തയിൽ വൻ തിരക്കാണ്. താലൂക്ക് തലം, നിയമസഭാമണ്ഡലം തുടങ്ങിയവ കേന്ദ്രീകരിച്ചുള്ള ഫെയറുകൾ ഇന്ന് മുതൽ ആരംഭിക്കും. കുതിച്ചുയരുന്ന പച്ചക്കറിവില പിടിച്ചുകെട്ടാൻ ജില്ലയിൽ 155 ചന്തകളുമായി ഹോർട്ടികോർപ്പ് 11 മുതൽ സജീവമാകും. സ്റ്റേഡിയം ഗ്രൗണ്ടിലും മിഠായിത്തെരുവ് ഖാദി എംപോറിയത്തിലും ഖാദി, കൈത്തറി വസ്ത്ര മേളയിലും, തെരുന് വിപണിയിലും ധാരാളം പേർ എത്തിചേരുന്നുണ്ട്.

വി​ല്ല​നാ​യി​ ​മ​ഴ

കോ​ഴി​ക്കോ​ട്:​ ​ഓ​ണ​ ​വി​പ​ണി​ ​ഉ​ണ​ർ​ന്നെ​ങ്കി​ലും​ ​ചി​ന്നി​ചി​ന്നി​ ​പെ​യ്യേ​ണ്ട​ ​ചി​ങ്ങ​ ​മ​ഴ​ ​ക​ന​ത്തു​പെ​യ്യു​ന്ന​ത് ​തെ​രു​വ് ​ക​ച്ച​വ​ട​ക്കാ​ർ​ക്ക് ​തി​രി​ച്ച​ടി​യാ​യി.​ ​തെ​രു​വോ​ര​ങ്ങ​ളി​ൽ​ ​താ​ത്ക്കാ​ലി​ക​ ​ഷെ​ഡ് ​ഒ​രു​ക്കി​യും​ ​അ​ല്ലാ​തെ​യും​ ​ക​ച്ച​വ​ടം​ ​ചെ​യ്യു​ന്ന​വ​ർ​ക്ക് ​മ​ഴ​ ​ക​ന​ത്തു​പെ​യ്യു​മ്പോ​ൾ​ ​എ​ല്ലാം​ ​മ​ട​ക്കി​കെ​ട്ടി​ ​ഓ​ടേ​ണ്ട​ ​സ്ഥി​തി​യാ​ണ്.​ ​പൂ​ക്ക​ച്ച​വ​ട​ക്കാ​ർ​ക്കാ​ണ് ​വ​ല്ലാ​ത്ത​ ​ഗ​തി​കേ​ട്.​ ​പ്ലാ​സ്റ്റി​ക് ​ഷീ​റ്റി​ൽ​ ​നി​ര​ത്തി​യി​ടു​ന്ന​ ​പൂ​ക്ക​ൽ​ ​ന​ന​യു​ന്ന​തോ​ടെ​ ​ചീ​യു​ക​യാ​ണെ​ന്ന് ​ക​ച്ച​വ​ട​ക്കാ​ർ​ ​പ​റ​യു​ന്നു.​ ​ചെ​ണ്ടു​മ​ല്ലി,​ ​ജ​മ​ന്തി,​ ​ചെ​ട്ടി​ ​പൂ​ക്ക​ൾ,​ ​റോ​സ്,​ ​വാ​ടാ​മ​ല്ലി,​ ​അ​ര​ളി,​ ​ബ​ന്ദി​പൂ​ ​എ​ന്നി​വ​യാ​ണ് ​തെ​രു​വോ​ര​ ​ക​ച്ച​വ​ട​ത്തി​ൽ​ ​കൂ​ടു​ത​ലാ​യു​ള്ള​ത്.​ ​ഇ​വ​യി​ൽ​ ​പ​ല​തും​ ​വ​ള​രെ​ ​വേ​ഗം​ ​ചീ​യു​ന്ന​ ​സ്വ​ഭാ​വ​മു​ള്ള​താ​ണ്.​ ​അ​ത്തം​ ​തൊ​ട്ടേ​ ​ന​ഗ​ര​ത്തി​ൽ​ ​ഓ​ണ​ത്തി​ര​ക്കാ​ണ്.​ ​ഇ​ന്ന​ലെ​ ​മി​ഠാ​യി​ത്തെ​രു​വി​ലും​ ​പ​രി​സ​ര​ങ്ങ​ളി​ലും​ ​വ​ലി​യ​ ​തി​ര​ക്കാ​ണ് ​അ​നു​ഭ​വ​പ്പെ​ട്ട​ത്.​ ​പെ​ട്ടെ​ന്ന് ​പെ​യ്ത​ ​മ​ഴ​യി​ൽ​ ​ജ​നം​ ​വ​ല​ഞ്ഞെ​ങ്കി​ലും​ ​വീ​ണ്ടും​ ​പ​ഴേ​പ​ടി​യാ​യി.​ ​വ​സ്ത്ര​ ​വ്യാ​പാ​ര​ ​സ്ഥാ​പ​ന​ങ്ങ​ളി​ലും​ ​ന​ല്ല​ ​തി​ര​ക്കാ​യി​രു​ന്നു.​ ​റോ​ഡു​ക​ളി​ൽ​ ​വ​ലി​യ​ ​ഗ​താ​ഗ​ത​ ​കു​രു​ക്കു​ണ്ടാ​യി.​ ​