തിരുവമ്പാടി: ഓമശ്ശേരി റോഡിൽ ഭാരത് പെട്രോൾ പമ്പിന് സമീപം സ്കൂൾ ബസ് മതിലിലിടിച്ച് അപകടം. 19 വിദ്യാർത്ഥികൾക്ക് പരിക്കേറ്റു. ഇന്നലെ രാവിലെയായിരുന്നു സംഭവം. തിരുവമ്പാടി സേക്രഡ് ഹാർട്ട് യു.പി സ്കൂളിലെ ബസാണ് അപകടത്തിൽപ്പെട്ടത്. അമ്പലപ്പാറ റോഡിൽ നിന്ന് ഇറക്കം ഇറങ്ങി വരികയായിരുന്ന സ്‌കൂൾ ബസ് നിയന്ത്രണം വിട്ട് മതിലിൽ ഇടിക്കുകയായിരുന്നു. പരിക്കേറ്റ വിദ്യാർത്ഥികളെ തിരുവമ്പാടിയിലെ സ്വകാര്യ ആശുപത്രിയിൽ പ്രവേശിപ്പിച്ചു.