വടകര: സി.പി.എം ജനറൽ സെക്രട്ടറി സീതാറാം യെച്ചൂരിയുടെ നിര്യാണത്തിൽ ആയഞ്ചേരി പൗരാവലി അനുശോചനം രേഖപ്പെടുത്തി. ആയഞ്ചേരി ടൗണിൽ ചേർന്ന അനുശോചന യോഗത്തിൽ പഞ്ചായത്ത് പ്രസിഡന്റ് എൻ.അബ്ദുൾഹമീദ് അദ്ധ്യക്ഷത വഹിച്ചു. കെ.വി.ജയരാജൻ അനുശോചന പ്രമേയം അവതരിപ്പിച്ചു. പഞ്ചായത്ത് സ്ഥിരം സമിതി അദ്ധ്യക്ഷൻ ടി.വി.കുഞ്ഞിരാമൻ മാസ്റ്റർ, കെ.സോമൻ, കിളിയമ്മൽ കുഞ്ഞബ്ദുള്ള, കണ്ണോത്ത് ദാമോദരൻ, രാമദാസ് മണലേരി, സി.വി.കുഞ്ഞിരാമൻ, എം.ഇബ്രായി മാസ്റ്റർ, കണ്ടോത്ത് കുഞ്ഞിരാമൻ, മുത്തുതങ്ങൾ, കരിം.ടി.കെ, മൻസൂർ എടവലത്ത്, ബാബു കൊയിലോത്ത്, പറമ്പത്ത് കുഞ്ഞിരാമൻ, സുരേഷ്.എൻ.കെ, അനിൽ ആയഞ്ചേരി, രനീഷ്.ടി.കെ എന്നിവർ സംസാരിച്ചു.