കോഴിക്കോട്: പ്രധാനമന്ത്രി നരേന്ദ്രമോദിയുടെ എഴുപത്തിനാലാം പിറന്നാൾ ബി.ജെ.പി ജില്ലാകമ്മറ്റിയുടെ നേതൃത്വത്തിൽ ആഘോഷിച്ചു. പ്രധാനമന്ത്രിയുടെ ആരോഗ്യത്തിനായി ബി.ജെ.പി ജില്ലാ അദ്ധ്യക്ഷൻ അഡ്വ.വി.കെ.സജീവന്റെ നേതൃത്വത്തിൽ തളി മഹാദേവക്ഷേത്രത്തിൽ മൃത്യുഞ്ജയ പൂജയും,ആയുസൂക്ത പുഷ്പാഞ്ജലിയും നടത്തി മധുരം വിതരണം ചെയ്തു. നെഹ്രുവിന് ശേഷം മൂന്നാം തവണയും പ്രധാനമന്ത്രിയാകുന്ന ലോകത്തിലെ ശക്തനായ നേതാവാണ് നരേന്ദ്രമോദിയെന്നും ജനങ്ങൾക്ക് മോദിയിലുളള വിശ്വാസം അചഞ്ചലമാണെന്നും വി.കെ.സജീവൻ പറഞ്ഞു. മഹിളാമോർച്ച ജില്ലാപ്രസിഡന്റ് അഡ്വ.രമ്യമുരളി, ബി.ജെ.പി ജില്ലാ വൈസ് പ്രസിഡന്റ് കെ.പി.വിജയലക്ഷ്മി, സംസ്ഥാസമിതിയംഗം പി.രമണിഭായ്, ഒ.ബി.സി മോർച്ച ജില്ലാപ്രസിഡന്റ് ശശിധരൻ നാരങ്ങയിൽ, സി.എസ്.സത്യഭാമ, ശോഭാ സുരേന്ദ്രൻ, അനിൽ അങ്കോത്ത്, ലീന അനിൽ, രവിരാജ് തുടങ്ങിയവർ നേതൃത്വം നൽകി.