മേപ്പയ്യൂർ: കോഴിക്കോട് ഇനിഷ്യേറ്റീവ് ഇൻ പാലിയേറ്റീവ് കെയർ (കെ ഐ പി) ആഭിമുഖ്യത്തിൽ 60 മണിക്കൂർ നീണ്ടുനിൽക്കുന്ന പരിചാരകർക്കുളള സമ്പൂർണ പരിശീലനം, വൊളന്റിയർ സർട്ടിഫിക്കറ്റ് കോഴ്സ് ഇൻ പേഷ്യന്റ് കെയർ മേപ്പയ്യൂർ ഏരിയയിൽ ആരംഭിച്ചു. മേപ്പയ്യൂർ പാലിയേറ്റീവ് കെയർ സെന്റർ ഹാളിൽ നടന്ന പരിശീലനത്തിന് കെ.ഐ.പി ചെയർമാൻ അബ്ദുൽ മജീദ് കെ, സെക്രട്ടറി മറിയാമ്മ ബാബു, കോഴ്സ് ഡയറക്ടർ അബ്ദുള്ള പി,കോഴ്സ് കോ - ഓർഡിനേറ്റർ എം.കെ. കുഞ്ഞമ്മദ്, ഏരിയ ചെയർമാൻ സുധാകരൻ പി, കൺവീനർ അബ്ദുറഹ്മാൻ, അമ്മദ് അരിക്കുളം, എം.കെ. സൂപ്പി എന്നിവർ നേതൃത്വം നൽകി. 30 മണിക്കൂർ വീതമുള്ള തിയറി ഹോം കെയർ പരിശീലനം നവംബർ 3 ന് സമാപിക്കും.