രാമനാട്ടുകര​: ആറുമാസത്തിനു​മുമ്പ് രണ്ടുപേരെ ഇടിച്ചിട്ട ശേഷം നിറുത്താതെ പോയ കാ​റും ഡ്രൈവറും ഫ​റോക്ക് ​പൊലീസ് പിടിയിൽ. പെരുമുഖം ഈന്തിങ്ങൽ വീട്ടിൽ മുഹമ്മദ് ശബാദാണ് (23)​ പിടി​യിലായത്.​ മാർച്ച് 23​ന് രാത്രിയാണ് സംഭവം. രാമനാട്ടുകര പൂ​വ്വന്നൂർ പള്ളിക്ക് സമീപം ദേശീയപാത മുറിച്ചു കടക്കുന്നതിനിടെയാണ് ഫ​റോക്ക് സ്വദേശി മാടന്നയിൽ രജീഷ് കുമാറിനെയും ബൈക്ക് യാത്രികനായ തിരൂർ മുന്നിയൂർ സ്വദേശി വലിയ പറമ്പിൽ അഷ്റഫിനെയും മുഹമ്മദ് ശബാദ് ഓടിച്ച കാർ ഇടിച്ചിട്ട ശേഷം നിറുത്താതെ പോയത്. ഇരുവർക്കും ഗുരുതരമായി പരിക്കേറ്റു.​

രജീഷ് കുമാറിന്റെ പരാതിയിൽ ഫറോക്ക് ​പൊലീസ് കേസെടുത്ത് അന്വേഷണമാരംഭിച്ചു. സി.സി ടിവി പരിശോധനയിൽ ചുവന്ന സ്വിഫ്റ്റ് കാറാണെന്ന് കണ്ടെത്തിയെങ്കിലും നമ്പർ വ്യക്തമല്ലായിരുന്നു. അപകടം നടന്ന സ്ഥലത്തുണ്ടായിരുന്ന ഒരാൾ ​KL 65 രജിസ്ട്രേഷനിലുള്ള വാഹനമാണെന്ന് മൊഴി നൽകി.​ തിരൂരങ്ങാടി ആർ.ടി.ഒയ്ക്ക് ഈ രജിസ്ട്രേഷൻ നമ്പറുള്ള സ്വിഫ്റ്റ് കാർ ഉടമകളുടെ വിവരം തേടി അപേക്ഷ നൽകി. ഇതിലൂടെ കാർ ഉടമയെക്കുറിച്ചുള്ള വിവരം ലഭിച്ചു.

സി.സി ടിവിയിൽ മാർച്ച് 28ന് ​ഫറോക്കിലെ വർക്ക്ഷോപ്പിൽ ഒരു കാർ അറ്റകുറ്റപ്പണി നടത്തിയതിന്റെ തെളിവും ലഭിച്ചു. വാഹനയുടമയെ സ്റ്റേഷനിൽ വിളിപ്പിച്ച് വിവരങ്ങൾ ആരാഞ്ഞപ്പോഴാണ് ബന്ധുവായ മുഹമ്മദ് ഷബാദാണ് വാഹനം ഓടിച്ചതെന്ന് വ്യക്തമായത്. തുടർന്ന് ഇയാളെ അറസ്റ്റ് ചെയ്യുകയായിരുന്നു. ഫറോക്ക് എസ്.ഐ വിനയനും സംഘവു​മാണ് പ്രതിയെ പിടികൂടിയത്.