കൊയിലാണ്ടി: നവീകരിച്ച കൊയിലാണ്ടി സഹകരണ അർബൻ സൊസൈറ്റി കെട്ടിടം ഷാഫി പറമ്പിൽ എം.പി ഉദ്ഘാടനം ചെയ്തു. ഡി.പി.സി അംഗം വി.പി.ഇബ്രാഹിംകുട്ടി അദ്ധ്യക്ഷത വഹിച്ചു. അർബൻ സൊസൈറ്റി പ്രസിഡന്റ് എം.അഷറഫ് സ്വാഗതം പറഞ്ഞു. പാലിയേറ്റീവ് ഉപകരണ വിതരണോദ്ഘാടനം സി.ഹനീഫ മാസ്റ്റർ മഠത്തിൽ അബ്ദുറഹ്മാന് നൽകി നിർവഹിച്ചു. വനിത ഗ്രൂപ്പ് ലോൺ വിതരണോദ്ഘാടനം എ.അസീസ് മാസ്റ്റർ നിർവഹിച്ചു. പി.രത്നവല്ലി ടീച്ചർ, നഗരസഭ കൗൺസിലർ വൈശാഖ്, കെ.ടി.വി.റഹ്മത്ത്, എൻ.കെ.അബ്ദുൽ അസീസ്, ബാബുരാജ്, എം.ആസിയ, ബുഷറ കുന്നോത്ത് എന്നിവർ സംസാരിച്ചു.