സുൽത്താൻ ബത്തേരി: യു.ഡി.എഫ് ഭരണം നടത്തുന്ന നെന്മേ ഗ്രാമപഞ്ചായത്തിൽ പ്രസിഡന്റ് സ്ഥാനം ഷീല പുഞ്ചവയൽ രാജിവെച്ചു. പതിനഞ്ചാം വാർഡിൽ നിന്നുള്ള കോൺഗ്രസിന്റെ തന്നെ അംഗം ബിന്ദു അനന്തൻ പുതിയ പ്രസിഡന്റാവും. 2021 പൊതു തെരഞ്ഞെടുപ്പിൽ പാർട്ടിയിലുണ്ടായ ധാരണപ്രകാരമായിരുന്നു രാജി. ഇന്നലെ വൈകിട്ട് 4.45 ഓടെ പഞ്ചായത്ത് സെക്രട്ടറി എം.വി ലതിക മുമ്പാകെ എത്തിയാണ് രാജി സമർപ്പിച്ചത്. പഞ്ചായത്തിലെ അഞ്ചാം വാർഡിൽ നിന്നുള്ള കോൺഗ്രസ് അംഗമാണ് ഷീല പുഞ്ചവയൽ. പ്രസിഡന്റ് സ്ഥാനം എസ്. ടി സംവരണമായ പഞ്ചായത്തിൽ പതിനഞ്ചാം വാർഡിനെ പ്രതിനിധികരിക്കുന്ന ഗോത്രവിഭാഗത്തിൽ നിന്നുള്ള കോൺഗ്രസ് അംഗം ബിന്ദു അനന്തനാണ് പുതിയ പ്രസിഡന്റാവുക.
23 അംഗ ഭരണസമിതിയിൽ യു.ഡി.എഫിന് 16 അംഗങ്ങളും എൽ ഡി എഫിന് ഏഴ് അംഗങ്ങളുമാണുള്ളത്. ഒരു വർഷം മുമ്പ് ക്ഷേമകാര്യ സ്റ്റാന്റിംഗ് കമ്മിറ്റി സ്ഥാനവും കോൺഗ്രസിലെ മുൻ ധാരണപ്രകാരം മാറിയിരുന്നു.

ഷീല പുഞ്ചവയൽ,

ബിന്ദുഅനന്തൻ