ടി.വി പുരം: ടി.വി. പുരം ഗ്രാമപഞ്ചായത്തും ടി.വി. പുരം ആയൂർവേദ ആശുപത്രിയും ചേർന്ന് ആയുഷ് വയോജന ക്യാമ്പ് സംഘടിപ്പിച്ചു. ക്യാമ്പ് ഗ്രാമപഞ്ചായത്ത് പ്രസിഡന്റ് ശ്രീജി ഷാജി ഉദ്ഘാടനം ചെയ്തു. വൈസ് പ്രസിഡന്റ് വി.കെ.ശ്രീകുമാർ അദ്ധ്യക്ഷനായി. യോഗത്തിന് ആരോഗ്യ സ്റ്റാന്റിംഗ് കമ്മറ്റി ചെയർപേഴ്‌സൺ സീമാ സുജിത്ത്, ഡോ. രാജഹംസ, ഡോ. കാർത്തിക എന്നിവർ സംസാരിച്ചു. വയോജനങ്ങൾക്ക് പരിശോധനയും മരുന്നും വിതരണം ചെയ്തു. യോഗയും, വയോജനങ്ങളും എന്ന വിഷയത്തിൽ കോർഡിനേറ്റർ ബിനി ക്ലാസെടുത്തു.