കോട്ടയം: നെൽകർഷകരിൽ നിന്നും സംസ്ഥാന സർക്കാർ കഴിഞ്ഞ വർഷം നെല്ല് സംഭരിച്ച ഇനത്തിൽ കൃഷിക്കാർക്ക് കൊടുത്തു തീർക്കാനുള്ള കുടിശ്ശികയായ 200 കോടി രൂപ ഓണത്തിന് മുമ്പ് വിതരണം ചെയ്യാൻ അടിയന്തര നടപടി സ്വീകരിക്കണമെന്ന് കേരള കോൺഗ്രസ് എക്‌സിക്യൂട്ടീവ് ചെയർമാൻ അഡ്വ. മോൻസ് ജോസഫ് എം.എൽ.എ ആവശ്യപ്പെട്ടു. കേരള കോൺഗ്രസ് പാർട്ടിയുടെയും കേരള കർഷക യൂണിയന്റെയും ആഭിമുഖ്യത്തിൽ കോട്ടയത്ത് പാഡി ഓഫീസിന് മുമ്പിൽ നടത്തിയ സംസ്ഥാനതല കർഷക സമരം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. ജില്ലാ പ്രസിഡന്റ് അഡ്വ. ജെയ്‌സൺ ജോസഫ് ഒഴുകയിൽ അദ്ധ്യക്ഷത വഹിച്ചു. സെക്രട്ടറി ജനറൽ അഡ്വ. ജോയി എബ്രഹാം മുൻ എം.പി,ഡെപ്യൂട്ടി ചെയർമാൻ അഡ്വ.ഫ്രാൻസിസ് ജോർജ് എം.പി എന്നിവർ മുഖ്യപ്രഭാഷണം നടത്തി. സംസ്ഥാന വൈസ് ചെയർമാൻ കെ.എഫ് വർഗീസ്, സംസ്ഥാന അഡ്വൈസർ തോമസ് കണ്ണംന്തറ, മാഞ്ഞൂർ മോഹൻകുമാർ, പ്രിൻസ് ലൂക്കോസ്, വി.ജെ ലാലി, എ.കെ ജോസഫ്, സന്തോഷ് കാവുകാട്ട്, കർഷക യൂണിയൻ സംസ്ഥാന ഓഫീസ് ചാർജ് ജനറൽ സെക്രട്ടറി ജോസ് ജയിംസ് നിലപ്പന, ബിനു ചെങ്ങളം, സാബു പീടിയേക്കൽ, എബി പൊന്നാട്ട്, അനിൽ വി തയ്യിൽ, കുഞ്ഞു കളപ്പുര, ജോയി ചെട്ടിശ്ശേരി, സെബാസ്റ്റ്യൻ കോച്ചേരി, വാസുദേവൻ നമ്പൂതിരി, തോമസ് പുതുശ്ശേരി തുടങ്ങിയവർ പങ്കെടുത്തു.