പിഴക്: വൈസ്‌മെൻ ഇന്റർനാഷനൽ പിഴക് ചാപ്റ്റർ സംഘടിപ്പിച്ച വാക്കത്തോൺ 2024 മത്സരം നാടിന് പുതിയ അനുഭവമായി. മാണി സി.കാപ്പൻ എം.എൽ.എ മത്സരം ഫ്ലാഗ് ഓഫ് ചെയ്തു. ക്ലബ് പ്രസിഡന്റ് ജോസ് മലയിൽ അദ്ധ്യക്ഷത വഹിച്ചു.

സൗജന്യ ഡയാലിസ് കിറ്റ് വിതരണത്തിനുള്ള തുക സമാഹരണമായിരുന്നു ലക്ഷ്യം.

വിജയികൾക്ക് യഥാക്രമം 10,001, 7,001. 5,001 രൂപ കാഷ് അവാർഡും ട്രോഫി, മെഡൽ എന്നിവയും സമ്മാനിച്ചു. പ്രസിഡന്റ് ജോസ് ജോസഫിന്റെ അദ്ധ്യക്ഷതയിൽ നടന്ന സമ്മേളനത്തിൽ രാമപുരം സർക്കിൾ ഇൻസ്‌പെക്ടർ അഭിലാഷ് കുമാർ സമ്മാനദാനം നിർവഹിച്ചു. ഡിസ്ട്രിക് ഗവർണർ ഡോ.സണ്ണി വി. സക്കറിയാസ്, മുൻ ഗവർണർ കെ.എം. ചെറിയാൻ, പഞ്ചായത്ത് പ്രസിഡന്റ് ജിജി തമ്പി, പ്രോജക്ട് കോഓർഡിനേറ്റർ റോക്കി തോമസ്, സെക്രട്ടറി റോയി സെബാസ്റ്റ്യൻ, തോമസ് അഗസ്റ്റിൻ തുടങ്ങിയവർ പ്രസംഗിച്ചു. മത്സരത്തിൽ സാന്ദ്ര സുരേന്ദ്രൻ ഒന്നാംസ്ഥാനവും അനന്തു അനിൽ രണ്ടാം സ്ഥാനവും പോൾ തച്ചാംപുറം മൂന്നാം സ്ഥാനവും നേടി.

ഫോട്ടോ അടിക്കുറിപ്പ്
വൈസ്‌മെൻ ഇന്റർനാഷനൽ പിഴക് ചാ്ര്രപർ സംഘടിപ്പിച്ച വാക്കത്തോൺ 2024 മത്സരം മാണി സി. കാപ്പൻ എം.എൽ.എ മത്സരം ഫ്ളാഗ് ഓഫ് ചെയ്യുന്നു.