പൊൻകുന്നം: കെ.എസ്.ആർ.ടി.സി.പൊൻകുന്നം ഡിപ്പോയിൽ നിന്ന് വിവിധയിടങ്ങളിലേക്ക് വിനോദയാത്ര സംഘടിപ്പിക്കുന്നു. 22ന് മലക്കപ്പാറയിലേക്കാണ് യാത്ര. ആതിരപ്പള്ളി, വാഴച്ചാൽ, ചാർപ്പ വെള്ളച്ചാട്ടങ്ങളും ഷോളയാർ, പെരിങ്ങൽക്കുത്ത് അണക്കെട്ടുകളും കാണാം. 920 രൂപയാണ് സീറ്റൊന്നിന് നിരക്ക്.

26ന് പഞ്ചപാണ്ഡവക്ഷേത്രദർശന യാത്രയാണ് നടത്തുന്നത്. 930 രൂപയാണ് നിരക്ക്. പള്ളിയോട സേവാസംഘവുമായി സഹകരിച്ച് ആറന്മുള വള്ളസദ്യയും ഈ യാത്രയിലുണ്ടാകും. തൃച്ചിറ്റാറ്റ് മഹാവിഷ്ണുക്ഷേത്രം, തൃപ്പുലിയൂർ മഹാവിഷ്ണുക്ഷേത്രം, ആറന്മുള പാർത്ഥസാരഥിക്ഷേത്രം, തൃക്കൊടിത്താനം മഹാക്ഷേത്രം, തിരുവൻവണ്ടൂർ മഹാവിഷ്ണുക്ഷേത്രം, പാണ്ഡവർകാവ് ദേവീക്ഷേത്രം, കവിയൂർ ഗുഹാക്ഷേത്രം എന്നിവിടങ്ങൾ സന്ദർശിക്കും.

29ന് ചതുരംഗപ്പാറ യാത്ര നടത്തും. 800 രൂപയാണ് ടിക്കറ്റ് നിരക്ക്. എസ്.എൻ.പുരം വെള്ളച്ചാട്ടം, പൊന്മുടി അണക്കെട്ട്, കള്ളിമാലി വ്യൂപോയിന്റ്, പൂപ്പാറ, ചതുരംഗപ്പാറ, ഗ്യാപ്പ് റോഡ് എന്നിവിടങ്ങൾ സന്ദർശിക്കും. 800 രൂപയാണ് നിരക്ക്. പുലർച്ചെ അഞ്ചിന് പുറപ്പെടും. വട്ടവട ടോപ്പ് സ്‌റ്റേഷനിലേക്കും യാത്ര ആസൂത്രണം ചെയ്യുന്നുണ്ട്. ഫോൺ: 9497888032, 9495558231.