അബുദാബി: ഓരോ വർഷവും പതിനായിരക്കണക്കിന് പ്രവാസികളാണ് യുഎഇയിൽ എത്തുന്നത്. കുടുംബത്തിന്റെ ജീവിത നിലവാരം മെച്ചപ്പെടുത്താനുമായാണ് സ്വന്തം നാടുപോലും ഉപേക്ഷിച്ച് ഇവർ പോകുന്നത്. ദൗർഭാഗ്യവശാൽ, ഇങ്ങനെയുള്ള നിരവധിപേർ ഓരോ ദിവസവും ചതിയിലകപ്പെടുകയാണ്. പലപ്പോഴും വിസയുടെ രൂപത്തിലാണ് ഈ ചതി നിങ്ങളെ തേടിയെത്തുക.
പലപ്പോഴും ശരിയായി അന്വേഷിക്കാതെ പലരും പറയുന്നതിന്റെ അടിസ്ഥാനത്തിൽ പ്രവ‌ർത്തിക്കുന്നതുകൊണ്ടാണ് ഇങ്ങനെ ചതിയിൽ വീഴുന്നത്. നിങ്ങളുടെ വിവരങ്ങളെല്ലാം ചോർത്തുകയും വൻ തുക വാങ്ങി വ്യാജ വിസ പകരം നൽകുകയും ചെയ്യുന്നതാണ് സംഘങ്ങളുടെ തട്ടിപ്പ് രീതി. ഇവയിൽ വീഴാതിരിക്കാൻ ചില കാര്യങ്ങൾ അറിഞ്ഞിരിക്കൂ.
നിങ്ങൾ വിസ എടുക്കുന്നത് ഒരു അംഗീകൃത സ്ഥാപനത്തിൽ നിന്നാണെന്ന് ഉറപ്പുവരുത്തുക. യുഎഇ ആസ്ഥാനമായുള്ള ട്രാവൽ ഏജൻസികൾ, ഹോട്ടലുകൾ എന്നിവർക്ക് വിസ ഇഷ്യു ചെയ്യാനാകും. കൂടാതെ യുഎഇ ആസ്ഥാനമായുള്ള എയർലൈനുകൾ ( എമിറേറ്റ്സ്, ഇത്തിഹാദ്, എയർ അറേബ്യ, ഫ്ലൈ ദുബായ് ) എന്നിവയ്‌ക്കും വിസ ഇഷ്യു ചെയ്യാനാകും.
പല തരത്തിലുള്ള സന്ദർശക വിസകളുണ്ട്. നിങ്ങൾക്ക് ലഭിച്ചത് ശരിയായ വിസയാണെന്ന് ഉറപ്പുവരുത്താൻ ചില കാര്യങ്ങൾ ശ്രദ്ധിക്കൂ.
ഇവയെല്ലാമാണ് യുഎഇയിലേക്ക് പ്രവേശിക്കുന്നതിനായി ഒരാൾക്ക് അപേക്ഷിക്കാവുന്ന വിസിറ്റ് വിസകൾ. ഇവയൊന്നുമല്ല ലഭിച്ചതെങ്കിൽ നിങ്ങൾ വഞ്ചിതരായി എന്ന് മനസിലാക്കേണ്ടതാണ്. മാത്രമല്ല, ഒരിക്കലും യുഎഇയിൽ ഇല്ലാത്ത ഒരാൾക്ക് റസിഡൻസ് വിസ നൽകുന്നതല്ല. ഈ വിസ പ്രോസസ് ചെയ്യുന്നതിന് അപേക്ഷകർ യുഎഇയിൽ ഉണ്ടായിരിക്കണം.