സാധാരണയായി കൊതുക് അല്ലെങ്കില്‍ മറ്റേതെങ്കിലും പ്രാണി കടിച്ചാല്‍ ചൊറിയാത്തവരായി ആരും ഉണ്ടാകില്ല. എന്നാല്‍ ചിലരില്‍ ദിവസങ്ങളോളം നീണ്ടുനില്‍ക്കുന്ന ഒരു പ്രതികരണമായി ഇത് മാറുന്നു. ഇങ്ങനെ കാണുന്ന അവസ്ഥയെയാണ് Papular urticaria അല്ലെങ്കില്‍ insect bite reaction എന്ന് പറയുന്നത്.
2 മുതൽ 10 വയസുവരെയുള്ള കുട്ടികളിലാണ് ഇത് കൂടുതലായും വരാറുള്ളത്. ചൊറിച്ചിലോട് കൂടിയ ചുവന്ന അടയാളമോ തിണര്‍പ്പുകളോ ആയാണ് ഇവ പ്രത്യക്ഷപ്പെടുന്നത്. പ്രായം കൂടുന്നതിനനുസരിച്ച് ഈ അവസ്ഥ മാറി വരാറുണ്ട്. അതിനെ De-sensatization എന്ന് പറയുന്നു. എന്നാല്‍ Atopy അല്ലെങ്കില്‍ അലര്‍ജി ഹിസ്റ്ററി ഉള്ളവരിലോ കുടുംബക്കാര്‍ക്കോ ഈ പ്രശ്‌നം കൂടുതല്‍ കാലം നീണ്ടു നില്‍ക്കുന്നതായി കാണുന്നു.
മഴക്കാലത്തും വേനല്‍കാലത്തും ആണ് ഈ പ്രശ്‌നം കൂടുതല്‍ കണ്ടുവരുന്നത്. കുടുംബത്തിലെ മറ്റു കുട്ടികള്‍ക്കോ, ബന്ധുക്കള്‍ക്കോ ഈ പ്രശ്‌നം വന്നിട്ടുണ്ടെങ്കിലും വേറെ ആര്‍ക്കും ഇല്ലെങ്കിലും ഒരു കുട്ടിക്ക് മാത്രമായി ഈ റിയാക്ഷന്‍ കാണാറുണ്ട്. രോഗപ്രതികരണശേഷിയിലുള്ള വ്യത്യാസമാണ് ഇതിന് കാരണം. പലസ്ഥലങ്ങളില്‍ മാറിമാറി താമസിക്കുന്നവരില്‍ IBR വരാനുള്ള സാധ്യതകള്‍ കൂടുതലാണ്.
പ്രതിരോധ മാര്‍ഗ്ഗങ്ങള്‍
ശരീരം മറയ്ക്കുന്ന വസ്ത്രം ധരിക്കുക.
നമ്മുടെ വിയര്‍പ്പ് പ്രാണികളെ ആകര്‍ഷിക്കുന്നതിനാല്‍ രണ്ട് നേരം കുളിക്കുക, മൈല്‍ഡ് സോപ്പ് ഉപയോഗിക്കുക, മൊയ്സ്റ്ററൈസര്‍ ഇടുക.
Insect repellent cream ഇടുക.
വീടും പരിസരവും വൃത്തിയാക്കി വയ്ക്കുക.
വീട്ടിൽ വളര്‍ത്തു മൃഗങ്ങളുണ്ടെങ്കില്‍ ചെള്ളുമാറാൻ ചികിത്സ എടുക്കുക.
ചികിത്സാ രീതി
ഡ്രൈ സ്‌കിന്‍ ആണെങ്കിൽ ചൊറിയാനുള്ള സാദ്ധ്യത വളരെ കൂടുതലായതിനാല്‍ moisturizer രണ്ട് നേരം കുളികഴിഞ്ഞ് ഉപയോഗിക്കുക.
ചൊറിച്ചില്‍ ഉണ്ടെങ്കില്‍ ഡോക്ടറുടെ നിര്‍ദ്ദേശാനുസരണം ആന്റിഹിസ്റ്റമിന്‍ ഗുളിക കഴിക്കുകയും, ചുവന്ന തിണര്‍പ്പുകളിലും ചൊറിച്ചിലുള്ള ഭാഗങ്ങളിലും mild steroid cream പുരട്ടുകയും ചെയ്യുക.
ദേഹത്ത് ചൊറിച്ചിലുണ്ടായിരുന്ന ഭാഗത്ത് വരുന്ന കറുത്ത പാടുകള്‍ കാലക്രമേണ മങ്ങി പോകുമെന്നതിനാല്‍ പ്രത്യേകിച്ച് Treatment / ചികിത്സ ആവശ്യമില്ല.
ചൊറിഞ്ഞുണ്ടാകുന്ന മുറിവുകളിലൂടെ അണുബാധ വരാന്‍ സാദ്ധ്യതയുള്ളതിനാല്‍ പനിയോ, ശരീര വേദനയോ ഉണ്ടെങ്കില്‍ ഡോക്ടറെ കാണിക്കേണ്ടതാണ്.
Dr. Shalini V R
Consultant Dermatologist and Cosmetologist
SUT Hospital, Pattom.Thiruvananthapuram.