കൊല്ലം: പെൺകുട്ടിക്കു നേരെ ലൈംഗികാതിക്രമം നടത്തിയ യുവാവ് പിടയിൽ. കൊറ്റങ്കര ചന്ദനത്തോപ്പ് മാമൂട് പുതുവൽ പുത്തൻ വീട്ടിൽ നിന്നും കല്ലുമല വീട്ടിൽ വാടകയ്ക്ക താമസിക്കുന്ന ഷാനവാസിനെയാണ് (34) കിളികൊല്ലൂർ പൊലീസ് അറസ്റ്റ് ചെയ്തത് .

കഴിഞ്ഞ ദിവസം വൈകിട്ട് കിളികൊല്ലൂർ സ്‌റ്റേഷൻ പരിധിയിലെ ഇടറോഡിലായിരുന്നു സംഭവം. ബൈക്കിലെത്തിയ ഷാനവാസ് നടന്നു പോയ പെൺകുട്ടിയോട് ലൈംഗികാതിക്രമം കാട്ടുകയായിരുന്നു. പെൺകുട്ടി കിളികൊല്ലൂർ പൊലീസിൽ പരാതി നൽകി. പൊലീസ് സി.സി.ടി.വി കേന്ദ്രീകരിച്ചു നടത്തിയ അന്വേഷണത്തിലാണ് പ്രതിയെ പിടികൂടിയത്. കിളികൊല്ലൂർ സ്‌റ്റേഷൻ ഇൻസ്‌പെക്ടർ ഗിരീഷിന്റെ നേതൃത്വത്തിൽ എസ്.ഐമാരായ ശ്രീജിത്ത്, സന്തോഷ്‌കുമാർ, നിസാം, സി.പി.ഒമാരായ ശ്യാം ശേഖർ, ബിജേഷ്, ഷാജി, ഷൺമുഖദാസ്, അനിതാകുമാരി, ശാന്തിനി എന്നിവരടങ്ങിയ സംഘമാണ് പ്രതിയെ പിടികൂടിയത്. റിമാൻഡ് ചെയ്തു.