​​​​​കൊല്ലം: ഗർഭിണിയായ യുവതിയെ സുഹൃത്തിന്റെ വീട്ടിൽ തൂങ്ങിമരിച്ച നിലയിൽ കണ്ടെത്തിയ സംഭവത്തിൽ ദുരൂഹതയേറുന്നു. കടയ്ക്കൽ തൃക്കണ്ണാപുരം സ്വദേശിയായ ഫാത്തിമയാണ് (22) മരിച്ചത്. ഈ മാസം എട്ടിനായിരുന്നു സംഭവം. ഫാത്തിമയുടെ നെറ്റിയിൽ ആഴത്തിലുളള മുറിവ് ഉണ്ടായിരുന്നുവെന്നും മരണത്തിൽ ദുരൂഹതയുണ്ടെന്നും ആരോപിച്ച് കുടുംബം രംഗത്തെത്തിയിട്ടുണ്ട്.

വിവാഹിതയും ഒരു കുട്ടിയുടെ മാതാവുമായ യുവതി ഭർത്താവുമായി പിണങ്ങിയ ശേഷം ഇടപ്പണ സ്വദേശിയായ ദീപുവിനൊപ്പമാണ് താമസിച്ചിരുന്നത്. യുവാവിന്റെ ആദ്യ വിവാഹത്തിലെ അഞ്ച് വയസുളള കുട്ടിയും ഫാത്തിമയ്ക്കൊപ്പമായിരുന്നു താമസം. കുട്ടിയെ നോക്കുന്നതുമായി ബന്ധപ്പെട്ട് ഫാത്തിമയും ദീപുവും തമ്മിൽ തർക്കം നിലനിന്നിരുന്നതായി കടയ്ക്കൽ പൊലീസിന് വിവരം ലഭിച്ചിട്ടുണ്ട്. സംഭവത്തിൽ പൊലീസ് അന്വേഷണം ആരംഭിച്ചു.