സോഷ്യൽ മീഡിയയിലൂടെ ശ്രദ്ധേയയായി രാം ഗോപാൽ വർമ്മയുടെ ചിത്രത്തിൽ നായികയായി മാറിയ താരമാണ് ശ്രീലക്ഷ്മി സതീഷ് എന്ന ആരാധ്യദേവി. രാംഗോപാൽ വർമ്മ സോഷ്യൽ മീഡിയയിൽ പങ്കുവച്ച ചിത്രങ്ങളിലൂടെ ശ്രീലക്ഷ്മി സതീഷ് വൈറൽ താരമായി മാറുകയായിരുന്നു. തുടർന്ന് പുതിയചിത്രമായ സാരിയിൽ നായികയാക്കുകയും ചെയ്തു. ഇപ്പോഴിതാ സാരിയുടെ ടീസർ പുറത്തുവന്നിരിക്കുകയാണ്. ഗിരി കൃഷ്ണ കമൽ സംവിധാനം ചെയ്തിരിക്കുന്ന ചിത്രത്തിൽ സാരി ചുറ്റിയ യുവതിയോട് ഒരു യുവാവിന് തോന്നുന്ന അടങ്ങാത്ത അഭിനിവേശം പിന്നീട് അപകടകരമായി മാറുന്നതിനെ കുറിച്ചാണ് പറയുന്നത്. അമിതമായ സ്നേഹം ഭയാനകമാകും എന്നതാണ് ചിത്രത്തിന്റെ ടാഗ് ലൈൻ.

രാം ഗോപാൽ വർമ്മ അവതരിപ്പിക്കുന്ന ചിത്രമാണ് സാരി. സംവിധാനം ചെയ്തിരിക്കുന്നത് ഗിരി കൃഷ്ണ കമൽ ആണ്. സാരി ചുറ്റിയ യുവതിയോട് ഒരു യുവാവിന് തോന്നുന്ന അടങ്ങാത്ത അഭിനിവേശം പിന്നീട് അപകടകരമായി മാറുന്നതിന്റെ കഥയാണ് ചിത്രം പറയുന്നത്. ശബരിയാണ് ഫോട്ടോഗ്രാഫി. നടൻ സത്യാ യാദവാണ് പ്രധാന കഥാപാത്രത്തെ അവതരിപ്പിക്കുന്നത്.നവംബർ നാലിന് ഹിന്ദി, തെലുങ്ക്, തമിഴ്, മലയാളം എന്നീ ഭാഷകളിൽ ചിത്രം റിലീസ് ചെയ്യും