തിരുവനന്തപുരം: കേരള സർക്കാർ പിന്തുണയോടെ ടെക്‌നോപാർക്കിൽ പ്രവർത്തിക്കുന്ന ഐ.സി.ടി. അക്കാദമി ഓഫ് കേരള സംഘടിപ്പിക്കുന്ന അന്താരാഷ്ട്ര കോൺക്ലേവ് 'ICSET 2024'സെപ്‌തംബർ 25 ന് ആരംഭിക്കും. സ്‌കിൽസ്, എൻജിനീയറിങ്, ടെക്‌നോളജി എന്നീ മേഖലകളെ ആസ്പദമാക്കി സംഘടിപ്പിക്കുന്ന കോൺക്ലേവ് തിരുവനന്തപുരം, കോഴിക്കോട്, എറണാകുളം എന്നിവടങ്ങളിലായാണ് നടക്കുക. 'ദി ക്വാണ്ടം ലീപ്: എ.ഐ. ആൻഡ് ബിയോൻഡ്'ആണ് ഇത്തവണത്തെ പ്രധാന വിഷയം. കോൺക്ലേവിന്റെ ഭാഗമായി ഐബിഎം സോഫ്റ്റ്‌വെയർ, മൈക്രോസോഫ്റ്റ്, ഗൂഗിൾ എന്നിവരുടെ പ്രത്യേക വർക്ക്‌ഷോപ്പുകളും സംഘടിപ്പിക്കും. വിദ്യർത്ഥികൾ, ഗവേഷകർ, നയരൂപകർത്താക്കൾ, സാങ്കേതികവിദ്യ വിദഗ്ദ്ധർ തുടങ്ങിയവർക്ക് ഗുണകരമാകുന്ന രീതിയിലാണ് കോൺക്ലേവ് വിഭാവനം ചെയ്തിരിക്കുന്നത്. 'സാങ്കേതിക വിപ്ലവത്തിന്റെ മുൻനിരയിൽ കുതിക്കുന്ന ഏവർക്കും AIയുടെ പരിവർത്തന ശേഷിയെ പ്രയോജനപ്പെടുത്താനും, അതുവഴി പുതുതലമുറയെ ശാക്തീകരിക്കാനുമുള്ള ഐ.സി.ടി.എ.കെ.യുടെ പ്രതിബദ്ധത 'ICSET 2024 ഉൾക്കൊള്ളുന്നു.' എന്ന് സി.ഇ.ഒ. ശ്രീ. മുരളീധരൻ മന്നിങ്കൽ അഭിപ്രായപ്പെട്ടു.
സെപ്‌തംബർ 25 ന് തിരുവനന്തപുരം ഹോട്ടൽ ഹൈസിന്തിൽ ആരംഭിക്കുന്ന കോൺക്ലേവിൽ ഐബിഎം സോഫ്റ്റ്‌വെയറിന്റെ പ്രത്യേക വർക്ക്‌ഷോപ്പ് ഉണ്ടായിരിക്കും. 'അൺലോക്കിങ് ദി പവർ ഓഫ് എൽഎൽഎം' എന്ന വിഷയത്തെ ആസ്പദമാക്കിയുള്ള വർക്ക്‌ഷോപ്പിൽ പങ്കെടുക്കുന്നവർക്ക് RAG അടിസ്ഥാന ചാറ്റ് ആപ്ലിക്കേഷൻ നിർമ്മിക്കാൻ അവസരമുണ്ടാകും. സെപ്‌തംബർ 27ന് കോഴിക്കോട് നടക്കുന്ന സെഷനിൽ മെക്രോസോഫ്റ്റ് വർക്ക്‌ഷോപ്പും ഉണ്ടായിരിക്കും. നൂതന പരിഹാരങ്ങൾക്ക് എ.ഐ. സാധ്യതകൾ പ്രയോജനപ്പെടുത്തുകയെന്ന ലക്ഷ്യത്തോടെ 'ജനറേറ്റീവ് എ.ഐ. വിത്ത് കോപൈലറ്റ് ഇൻ ബിംഗ്'എന്ന വിഷയത്തെ അടിസ്ഥാനമാക്കിയാകും കാലിക്കറ്റ് ടവറിൽ സംഘടിപ്പിക്കുന്ന വർക്ക്‌ഷോപ്പ് നടക്കുക.
സെപ്‌തംബർ 30ന് എറണാകുളം അങ്കമാലി അഡ്ലക്സ് കൺവെൻഷൻ സെന്ററിൽ നടക്കുന്ന പരിപാടിയോടെ ICSET 2024ന് തിരശീല വീഴും. LSGD & എക്‌സൈസ് മന്ത്രി ശ്രീ എം.ബി. രാജേഷ് ഉദ്ഘാടനം ചെയ്യും. ഗൂഗിൾ ഫോർ ഡവലപ്പേഴ്സ് ഇന്ത്യ എഡ്യു പ്രോഗ്രാമുമായി സഹകരിച്ചുള്ള വർക്ക്‌ഷോപ്പാണ് കോൺക്ലേവിന്റെ സമാപന പരിപാടിയിലെ മുഖ്യ ആകർഷണം. ഏറ്റവും പുതിയ ജനറേറ്റിവ് എ.ഐ. സാങ്കേതികവിദ്യകളിൽ ആഴത്തിൽ കടന്നുച്ചെല്ലുന്ന പ്രോഗ്രാമിൽ ഡെവലപ്പേഴ്സിന് വേണ്ടിയുള്ള 'ജനറേറ്റീവ് എ.ഐ. വിത്ത് വെർടെക്സ് എ.ഐ. ജെമിനി എപിഐ'എന്ന വിഷയത്തിലുള്ള സെഷൻ നടക്കും. നിയമ, വ്യവസായ, കയർ വകുപ്പ് മന്ത്രി ശ്രീ. പി. രാജീവ് അനുമോദന പ്രഭാഷണം നടത്തും.
ശ്രീ. സ്‌നേഹിൽ കുമാർ സിംഗ് കഅട (കളക്ടർ, കോഴിക്കോട് ജില്ല), ഡോ. സജി ഗോപിനാഥ് (വൈസ് ചാൻസലർ, കേരള ഡിജിറ്റൽ യൂണിവേഴ്സിറ്റി), ഡോ. പി.വി. ഉണ്ണികൃഷ്ണൻ (മെമ്പർ സെക്രട്ടറി, കെഡിസ്‌ക്), ശ്രീ. അനൂപ് അംബിക (സി.ഇ.ഒ., കേരള സ്റ്റാർട്ടപ്പ് മിഷൻ), ശ്രീ. സുശാന്ത് കുറുന്തിൽ (സി.ഇ.ഒ., ഇൻഫോപാർക്ക്), ശ്രീമതി. ദീപ സരോജമ്മാൾ (സിഇഒ, റിഫ്ളക്ഷൻസ് ഇൻഫോ സിസ്റ്റംസ്), ല്ര്രഫനന്റ് ലക്ഷയ് സിംഗ് (ഹെഡ്, പബ്ലിക് പോളിസി ആൻഡ് ഗവൺമെന്റ് അഫയേഴ്സ്, അൺസ്റ്റോപ്പ്), ശ്രീമതി. പൂർണിമ ധാൽ (അക്കാദമിക് അലയൻസ് എ.പി.എ.സി., സെലോനിസ്), ശ്രീ. ശരത് എം. നായർ (കോഴിക്കോട് സെന്റർ ഓപ്പറേഷൻസ് മാനേജർ, ടാറ്റ എൽക്സി), ശ്രീ. അഖിൽകൃഷ്ണ ടി. (സെക്രട്ടറി, സി.എ.എഫ്.ഐ.ടി.), ശ്രീ. ദിനേശ് തമ്പി (വൈസ് പ്രസിഡന്റ് &ഹെഡ് ടി.സി.എസ്. ഓപ്പറേഷൻസ്, കേരള), ശ്രീമതി. ആർ. ലത (പ്രോഗ്രാം ഡയറക്ടർ, ഐ.ബി.എം. ഇന്ത്യ സോഫ്റ്റ്‌വെയർ ലാബ്സ്) തുടങ്ങിയ ടെക്‌നോളജി, അക്കാദമിക രംഗങ്ങളിലെ പ്രമുഖർ വിവിധ ജില്ലകളിലായി നടക്കുന്ന ഈ കോൺക്ലേവിൽ പങ്കെടുക്കും.