ആരോഗ്യകരമായ ജീവിതത്തിന് പോഷകങ്ങളും വിറ്റാമിനുകളും ശരീരത്തിന് അത്യാവശ്യമാണ്. എന്നാൽ വിറ്റാമിനുകളുടെ കുറവ് പലപ്പോഴും ശരീരത്തെ ദോഷകരമായി ബാധിച്ച് പല പ്രശ്നങ്ങൾക്കും വഴിവയ്ക്കും.
കാഴ്ചക്കുറവ്, ചർമ്മം വരളുക, കണ്ണിലെ പാടുകൾ, കണ്ണുകൾ ഡ്രൈ ആവുക, രോഗപ്രതിരോധ ശേഷി കുറയുക, മുറിവുകൾ ഉണങ്ങാൻ സമയമെടുക്കുക തുടങ്ങിയ പല പ്രശ്നങ്ങളും വിറ്റാമിൻ എ യുടെ കുറവു മൂലം ഉണ്ടാകുന്നതാണ്. ഇത്തരം പ്രശ്നങ്ങളിൽ വിറ്റാമിൻ എ അടങ്ങിയ ചീര, ക്യാരറ്റ്, മധുരക്കിഴങ്ങ്, തക്കാളി, പാലുത്പ്പന്നങ്ങൾ, മത്സ്യം, മുട്ട, തുടങ്ങിയ ഭക്ഷണം കഴിക്കേണ്ടതാണ്.
കൺമണികളുടെ കണ്ണ് തെളിയണമെങ്കിൽ വിറ്റാമിൻ എ കൂടിയേ തീരൂ. പ്രത്യുത്പാദനം, രോഗപ്രതിരോധം, കോശങ്ങളുടെ വളർച്ചാവികാസം എന്നിവയിലും വിറ്റാമിൻ എ പ്രധാന പങ്കുവഹിയ്ക്കുന്നു. മുൻപ് പറഞ്ഞവയ്‌ക്കൊപ്പം മാങ്ങ, പപ്പായ, ഓറഞ്ച് തുടങ്ങിയ ഫലങ്ങളിലും ഇലക്കറികളിലും മഞ്ഞ ഓറഞ്ച് പച്ചക്കറികളിലും വിറ്റാമിൻ എ ധാരാളം അടങ്ങിയിട്ടുണ്ട്. ദേശീയ രോഗപ്രതിരോധ കുത്തിവയ്പ്പ് പട്ടികപ്രകാരം വിറ്റാമിൻ എയുടെ ഒമ്പത് ഡോസുകൾ കുഞ്ഞുങ്ങൾക്ക് നൽകേണ്ടതായുണ്ട്.