ആലപ്പുഴ: യുനാനി ചികിത്സയുടെ മറവിൽ ഫാർമസിയി?​ വച്ച് സ്ത്രിയെ പീഡിപ്പിച്ചയാൾ പിടിയിൽ. ആലപ്പുഴ മുനിസിപ്പൽ സീവ്യൂ വാർഡിൽ പള്ളിപ്പുരയിടത്തിൽ സുധീർ (സിറാജുദ്ദീൻ- 49)​ ആണ് പിടിയിലായത്. ആലപ്പുഴ സക്കറിയ ബസാറിൽ സൽവാ യുനാനി ഫാർമിസ എന്ന സ്ഥാപനം നടത്തിവന്ന സിറാജുദ്ദീൻ മകളുടെ ചികിത്സയ്ക്കായി ഫാർമസിയിൽ എത്തിയ സ്ത്രീയെ ആണ് പ്രലോഭിപ്പിച്ച് പലതവണ പീഡനത്തിനിരയാക്കിയത്.

തുടർന്ന് ഇരയുടെ നഗ്നചിത്രങ്ങൾ തന്റെ കൈവശമുണ്ടെന്നും അത് പുറത്തുവിടുമെന്നും പറഞ്ഞ് ഭീഷണിപ്പെടുത്തി. പ്രതി പുതുതായി തുടങ്ങുന്ന ഫാർമസിയുടെ ആവശ്യത്തിലേക്ക് രണ്ട് ലക്ഷം രൂപയും വാങ്ങിച്ചെടുത്തിരുന്നു. പ്രതിയെ കോടതിയിൽ ഹാജരാക്കി 14 ദിവസത്തേക്ക് റിമാൻഡ‌് ചെയ്തു. ആലപ്പുഴ സൗത്ത് പൊലീസ് സ്റ്രേഷൻ ഐ.എസ്.എച്ച്.ഒ കെ. ശ്രീജിത്തിന്റെ പൊലീസ് സംഘമാണ് പ്രതിയെ പിടികൂടിയത്. എസ്.ഐമാരായ അശോകൻ,​ മോഹൻകുമാർ,​ എസ്.സി.പിഒമാരായ വിപിൻദാസ്,​ ശ്യാം എന്നിവരും അന്വേഷണ സംഘത്തിലുണ്ടായിരുന്നു.