പാലക്കാട്: ഗവൺമെന്റ് ടെക്നിക്കൽ ഹൈസ്‌കൂളിലെ 2020-24 ബാച്ചിലെ സ്റ്റുഡന്റ് പൊലീസ് കേഡറ്റുകളുടെ പാസിംഗ് ഔട്ട് പരേഡിൽ എ.പ്രഭാകരൻ എം.എൽ.എ സല്യൂട്ട് സ്വീകരിച്ചു. കസബ സ്റ്റേഷൻ എസ്.ഐ എച്ച്.ഹർഷാദ് കേഡറ്റുകൾക്ക് പ്രതിജ്ഞ ചൊല്ലിക്കൊടുത്തു. മരുത റോഡ് പഞ്ചായത്ത് പ്രസിഡന്റ് പി.ഉണ്ണിക്കൃഷ്ണൻ, സ്‌കൂൾ സൂപ്രണ്ട് പി.എസ്.സന്തോഷ്, സീനിയർ സിവിൽ പൊലീസ് ഓഫീസർ വി.ബാലചന്ദ്രൻ, കമ്മ്യൂണിറ്റി പൊലീസ് ഓഫീസർ എസ്.പ്രജീഷ്, അഡീഷണൽ കമ്മ്യൂണിറ്റി പൊലീസ് ഓഫീസർ കെ.ജയലക്ഷ്മി എന്നിവർ സംസാരിച്ചു.