പാലക്കാട്: ജില്ലാ പോസ്റ്റൽ ടെലികോം,​ ബി.എസ്.എൻ.എൽ എംപ്ലോയീസ് സഹകരണ സംഘം 48-ാമത് വാർഷിക ജനറൽ ബോഡി യോഗത്തിൽ പ്രസിഡന്റ് ആർ.ആനന്ദ് അദ്ധ്യക്ഷത വഹിച്ചു. സെക്രട്ടറി എം.എസ്.ഹരിദാസ് റിപ്പോർട്ട് അവതരിപ്പിച്ചു. വയനാട് ദുരന്തവുമായി ബന്ധപ്പെട്ട് മുഖ്യമന്ത്രിയുടെ ദുരിതാശ്വാസ നിധിയിലേക്ക് അഞ്ച് ലക്ഷം രൂപയുടെ ചെക്ക് ഭരണ സമിതി അംഗങ്ങൾ എ.പ്രഭാകരൻ എം.എൽ.എയ്ക്ക് കൈമാറി. എസ്.എസ്.എൽ.സി,​ പ്ലസ് ടു പരീക്ഷകളിൽ ഉന്നത വിജയം നേടിയ വിദ്യാർത്ഥികൾക്ക് കാഷ് അവാർ‌ഡും ട്രോഫിയും നൽകി. പി.ശിവദാസ്, പ്രസീല , രഞ്ജിവ, സുനിത എന്നിവർ സംസാരിച്ചു.