അത്തിക്കയം: ദേശീയ അദ്ധ്യാപക ദിനത്തിൽ വാർഡിലെ മുതിർന്ന കോളേജ് അദ്ധ്യാപകനെ കൂടമുരുട്ടി വാർഡ് കോൺഗ്രസ്​ കമ്മിറ്റി ആദരിച്ചു. റാന്നി സെന്റ് തോമസ് കോളജിലെ കെമിസ്ട്രി വിഭാഗ തലവനായിരുന്ന പ്രൊഫ.ജോസ് പുത്തൻ പുരയിലിനെയാണ് ആദരിച്ചത്. പഞ്ചായത്ത്​ അംഗം ഓമന പ്രസന്നൻ, ബ്ലോക്ക്​ കോൺഗ്രസ്​ ജനറൽ സെക്രട്ടറി ഷിബു തോണിക്കടവിൽ എന്നിവർ പൊന്നാട അണിയിച്ചു. വാർഡ് കോൺഗ്രസ്​ വൈസ് പ്രസിഡന്റ് എ.വി.ഷാജി അദ്ധ്യക്ഷൻ ഡോൺ തോണിക്കടവിൽ, ഷിന്റോ പുത്തെത്ത്, ബിജു കുളത്തിങ്കൾ, ജോസ് കാട്ടുപുരയിടത്തിൽ, സ്റ്റാലിൻ ഷാജി, മോളമ്മ എബ്രഹാം എന്നിവർ നേതൃത്വം നൽകി.