പത്തനംതിട്ട : അയിരൂർ പഞ്ചായത്തിലെ മുൻ യു.ഡി.എഫ് ചെയർമാനും ജില്ലാ കഥകളി ക്ലബ് വർക്കിംഗ്​ പ്രസിഡന്റുമായ ജോൺസൺ മാത്യു അയിരൂർ, സി.പി.എം ചെറുകോൽപ്പുഴ ബ്രാഞ്ച് മുൻ സെക്രട്ടറി സാം ഫിലിപ്പ് മലയാറ്റ്, മിഥുൻരാജ് പാതിയോടിൽ, മഹേഷ്​ പാറക്കാലായിൽ, അശ്വിൻ പട്ടശ്ശേരിൽ, കാർത്തിക് മുടീത്രയിൽ, ബിനുക്കുട്ടൻ പരുവേലിൽക്കുഴിയിൽ ,ശരത് കീമഠത്തിൽ തുടങ്ങിയവർ ബി.ജെ.പി ജില്ലാ ഓഫീസിൽ സംസ്ഥാന പ്രസിഡന്റ്​ കെ.സുരേന്ദ്രനിൽ നിന്ന് അംഗത്വം സ്വീകരിച്ചു. ജില്ലാ പ്രസിഡന്റ്​ അഡ്വ.വി.എ.സൂരജ് അദ്ധ്യക്ഷത വഹിച്ചു. ജില്ലാ ജനറൽ സെക്രട്ടറി പ്രദീപ്​ അയിരൂർ, ജില്ലാ ട്രഷറർ ഗോപാലകൃഷ്ണൻ കർത്താ, ബി.ജെ.പി അയിരൂർ മണ്ഡലം പ്രസിഡന്റ്​ സിനു എസ് പണിക്കർ, അയിരൂർ പഞ്ചായത്ത്​ കമ്മിറ്റി പ്രസിഡന്റ്​ അജയ് ഗോപിനാഥ് തുടങ്ങിയവർ പ്രസംഗിച്ചു.