പത്തനംതിട്ട: സാമൂഹിക പ്രവർത്തക ഡോ. എം. എസ്. സുനിൽ നിരാലംബർക്ക് പണിതുനൽകുന്ന 320-ാമത് സ്‌നേഹഭവനം മച്ചിപ്ലാവ് സ്‌കൂൾപടി കുന്നുംപുറം വീട്ടിൽ ലീനയ്ക്ക് നൽകി. വിദേശ മലയാളിയായ തോമസ് വർഗീസിന്റെ സഹായത്തോടെയാണ് വീട് നിർമ്മിച്ചത് . താക്കോൽദാനവും ഉദ്ഘാടനവും ഡോ. എം. എസ് .സുനിൽ നിർവഹിച്ചു. വാർഡ് മെമ്പർ റൂബി സിജു, പ്രൊജക്ട് കോഡിനേറ്റർ കെ. പി. ജ​യലാൽ, കെ. പി. ജോർജ്, പി. ഐ. സാബു, പി. ഐ. ഡേവിഡ് എന്നിവർ പ്രസംഗിച്ചു.