മല്ലപ്പള്ളി : മല്ലപ്പള്ളി ഗ്രാമപഞ്ചായത്തിലെ 2024 - ​25 വാർഷിക പദ്ധതിയോടനുബന്ധിച്ച് ഗ്രാമപഞ്ചായത്തിലെ ആശ്രയ, അതിദാരിദ്ര്യർക്ക് ഓണക്കിറ്റ് വിതരണം നടത്തി. ഗ്രാമപഞ്ചായത്ത് വൈസ് പ്രസിഡന്റ് അഡ്വ.സാം പട്ടേരിയുടെ അദ്ധ്യക്ഷതയിൽ 130 ​ കുടുംബങ്ങൾക്ക് ഓണക്കിറ്റ് നൽകി പ്രസിഡന്റ് വിദ്യാമോൾ.എസ് ഉദ്ഘാടനം നിർവ്വഹിച്ചു. ഗ്രാമപഞ്ചായത്ത് അംഗങ്ങളായ ജോൺ തോമസ് പണിക്കമുറി, ഗീതാ കുര്യക്കോസ്, ഗീതു ജി.നായർ, പ്രകാശ് കുമാർ, ഷാന്റി ജേക്കബ്, രോഹിണി ജോസ്, ബിന്ദു മേരി തോമസ്, സി.ഡി.എസ് ചെയർപേഴ്‌സ​ൺ ബിന്ദു മനോജ് എന്നിവർ പ്രസംഗിച്ചു.