തിരുവല്ല: സംസ്ഥാന പാതയിൽ ടിപ്പറിടിച്ച് സ്‌കൂട്ടർ യാത്രികൻ മരിച്ചു. കുറ്റൂർ തലയാർ തുണ്ടത്തിൽ രഘുത്തമ കുറുപ്പിന്റെ (ബാബു )മകൻ ശരത് ചന്ദ്ര കുറുപ്പ് (21) ആണ് മരിച്ചത്. ഉത്രാടനാളിൽ രാത്രി 11.30ന് തിരുവല്ല -അമ്പലപ്പുഴ സംസ്ഥാന പാതയിൽ വൈക്കത്തില്ലം പാലത്തിന് സമീപമാണ് അപകടം. സൊമാറ്റോ ഡെലിവറി ജോലി ചെയ്യുകയായിരുന്നു. ജോലി കഴിഞ്ഞു വീട്ടിലേക്ക് മടങ്ങുമ്പോൾ എതിരെ വന്ന ടിപ്പറുമായി കൂട്ടിയിടിക്കുകയായിരുന്നു. ആന്തരീക രക്തസ്രാവമുണ്ടായ ശരത്തിനെ തിരുവല്ല താലൂക്ക് ആശുപത്രിയിൽ എത്തിച്ചെങ്കിലും രക്ഷിക്കാനായില്ല. പുളിക്കീഴ് പൊലീസ് മേൽനടപടി സ്വീകരിച്ച് മൃതദേഹം ബന്ധുക്കൾക്ക് കൈമാറി. സംസ്‌കാരം നടത്തി. സഞ്ചയനം വെള്ളിയാഴ്ച രാവിലെ 9ന് . മാതാവ് : തങ്കമണി ആർ കുറുപ്പ്, സഹോദരൻ : രജത് ആർ. കുറുപ്പ്.