തിരുവല്ല: ശ്രീനാരായണ ഗുരുദേവന്റെ 97-ാമത് മഹാസമാധി നാളെ എസ്.എൻ.ഡി.പി യോഗം തിരുവല്ല യൂണിയനിലെ എല്ലാ ശാഖകളുടെയും വിവിധ ശ്രീനാരായണ പ്രസ്ഥാനങ്ങളുടെയും ആഭിമുഖ്യത്തിൽ ഭക്തിനിർഭരമായ ചടങ്ങുകളോടെ ആചരിക്കും.
ആഞ്ഞിലിത്താനം 784 -ാം ശാഖയുടെ ഗുരുദേവ പാദുക പ്രതിഷ്ഠാ ക്ഷേത്രത്തിൽ രാവിലെ മുതൽ പ്രാർത്ഥന, ഉപവാസം, ഗുരുദേവകൃതികളുടെ പാരായണം. 12.15 മുതൽ സി.എച്ച് മുസ്തഫാ മൗലവി കണ്ണൂർ ഗുരുദേവ പ്രഭാഷണം നടത്തും. 3.15ന് സമൂഹപ്രാർത്ഥന, 3.30ന് കഞ്ഞിവീഴ്ത്തൽ എന്നിവയുണ്ടാകും. ശാഖാ പ്രസിഡന്റ് എം.പി. ബിനുമോൻ, വൈസ് പ്രസിഡന്റ് മോഹൻബാബു, സെക്രട്ടറി കെ.ശശിധരൻ എന്നിവർ ചടങ്ങുകൾക്ക് നേതൃത്വം നൽകും.
കവിയൂർ 1118 -ാം ശാഖയിൽ രാവിലെ ഗുരുദേവ കീർത്തനാലാപനം, 9ന് ശാന്തിഹവന മഹായജ്‌ഞം. 10ന് മഹാഗുരുപൂജ, ഗുരുപുഷ്‌പാ‍ഞ്ജലി, 11 മുതൽ ഗുരുദേവകൃതി ആലാപനം 12.30മുതൽ മിനി റെജി ചെങ്ങളം ഗുരുധർമ്മ പ്രഭാഷണം നടത്തും. 3.20ന് സമർപ്പണം. 3.25ന് ദൈവദശകം, 3.45ന് കഞ്ഞിവീഴ്ത്തൽ,
കോട്ടൂർ ഗുരുദേവ ക്ഷേത്രത്തിൽ രാവിലെ 6 മുതൽ ഗുരുദേവ ഗീതങ്ങൾ 9 മുതൽ ഗുരുഭാഗവത പാരായണം- എം.പി മുരളി മേക്കുന്നിൽ .വൈകിട്ട് 6 മുതൽ ദീപാരാധന സമൂഹ പ്രാർത്ഥന.
പെരിങ്ങര ഗുരുവാണീശ്വരം ക്ഷേത്രത്തിൽ രാവിലെ മുതൽ പ്രത്യേക പൂജകൾ 6.30ന് ഗണപതിഹോമം തുടർന്ന് ഉപവാസം, സമൂഹ പ്രാർത്ഥന 3മുതൽ സമാധി പൂജയും പൂമൂടലും 3.30ന് കഞ്ഞിവീഴ്ത്തൽ. ദൈവദശകം ആലാപനം, മഹാസമാധിപൂജ, മംഗളാരതി, അന്നദാനം.
കടപ്ര-നിരണം ശാഖയിൽ രാവിലെ 5ന് ഗുരുപൂജ, ജപം,ധ്യാനം, 6ന് മഹാഗണപതിഹോമം, തുടർന്ന് ഗുരുദേവ കൃതികളുടെ പാരായണം. 9ന് ഉപവാസയജ്‌ഞം തിരുവല്ല യൂണിയൻ സെക്രട്ടറി അനിൽ എസ്. ഉഴത്തിൽ ഉദ്ഘാടനം ചെയ്യും. യൂണിയൻ പ്രസിഡന്റ് ബിജു ഇരവിപേരൂർ അദ്ധ്യക്ഷത വഹിക്കും. മൂന്നിന് സമാധി പ്രാർത്ഥന, തുടർന്ന് കഞ്ഞിവീഴ്ത്തൽ, 6.30ന് വിശേഷാൽ ഗുരുപൂജ, ദീപാരാധന എന്നിവയുണ്ടാകും.

തൈമറവുംകര 6326 -ാം ശാഖയിൽ ഗുരുദേവ മഹാസമാധി ദിനാചരണവും ചിങ്ങം 1 മുതൽ കന്നി നാലുവരെ നടത്തിവരുന്ന പ്രാർത്ഥനയഞ്ജത്തിന്റെ സമാപനവും നാളെ നടക്കും. രാവിലെ എട്ട് മുതൽ ഗുരുദേവ കൃതികളുടെ പാരായണം സമൂഹപ്രാർത്ഥന, ഉച്ചയ്ക്കുശേഷം കഞ്ഞിവിഴ്ത്തൽ എന്നിവ ഉണ്ടായിരിക്കും. ശാഖായോഗം പ്രസിഡന്റ് സിജു കാവിലേത്ത് , വൈസ് പ്രസിഡന്റ് സുജിത്ത് ശാന്തി, സെക്രട്ടറി രാജേഷ് ശശിധരൻ എന്നിവർ നേതൃത്വം നൽകും.

നെടുമ്പ്രം 1153 -ാം ശാഖയുടെ ഗുരുദേവ ക്ഷേത്രത്തിൽ രാവിലെ ശാന്തിഹവനം, 10ന് ഗുരുദേവകൃതികളുടെ പാരായണം, 12ന് ഗുരുധർമ്മ പ്രഭാഷണം. രണ്ടിന് സ്‌കോളർഷിപ്പ് വിതരണം. മൂന്നിന് മഹാസമാധിപൂജ, 3.30ന് കഞ്ഞി വീഴ്‌ത്തൽ.