മല്ലപ്പള്ളി : എസ്.എൻ.ഡി.പി യോഗം എഴുമറ്റൂർ 1156 -ാം ശാഖയിൽ ശ്രീനാരായണ ഗുരുദേവന്റെ 97-ാമത് മഹാസമാധി ദിനാചരണം രാവിലെ 5.30 മുതൽ ഷാജി ശാന്തിയുടെ മുഖ്യ കാർമ്മികത്വത്തിൽ നടത്തി. ഗുരുപൂജ, ഗുരുപുഷ്പാഞ്ജലി, ശാന്തിഹവനം, 5.30ന് ഗുരുദേവ കൃതികളുടെ പാരായണം, 9 മുതൽ കുടുംബ പ്രാർത്ഥന യൂണിറ്റുകളുടെ ആഭിമുഖ്യത്തിൽ സമൂഹ പ്രാർത്ഥന, 11ന് കോടുകുളഞ്ഞി ശ്രീനാരായണ വിശ്വധർമ്മമഠം മഠാധിപതി ശിവ ബോധാനന്ദ സ്വാമികൾ നടത്തുന്ന പ്രഭാഷണം, 1 മുതൽ ഉപവാസ പ്രാർത്ഥന, 2.30ന് ശാന്തിയാത്ര, 3.20ന് മഹാസമാധി പൂജയും പുഷ്പാർച്ചനയും, വലിയ കാണിക്ക, കഞ്ഞി വീഴ്ത്തൽ എന്നിവ നടത്തി. യോഗം ഇൻസ്പെക്റ്റിംഗ് ഓഫീസർ എസ്.രവീന്ദ്രൻ, ശാഖാപ്രസിഡന്റ് സന്തോഷ് സായി, സെക്രട്ടറി പ്രതീഷ് കെ.ആർ എന്നിവർ ചടങ്ങുകൾക്ക് നേതൃത്വം നൽകി.

മുരണി: എസ്.എൻ.ഡി.പി യോഗം 3023-ാം മുരണി ശാഖാഗുരുദേവക്ഷേത്രത്തിൽ മേൽശാന്തി സന്തോഷ് പെരുന്ന ശാന്തിയുടെ മുഖ്യ കാർമ്മികത്വത്തിൽ മഹാസമാധി ദിനാചരണം ആചരിച്ചു. രാവിലെ 6.30ന് വിശേഷാൽ പൂജ, 8 മുതൽ സമൂഹ പ്രാർത്ഥന 10മുതൽ ഗുരുദേവ കൃതികളുടെ പാരായണം 1ന് രമ.എം.പി. ഇത്തിത്താനം പ്രഭാഷണം നടത്തി. 3.15 ന് പ്രാർത്ഥന 3.30ന് കഞ്ഞിവീഴ്ത്തൽ 3.45ന് നടയടയ്ക്കൽ എന്നിവ നടത്തി. ചടങ്ങുകൾക്ക് ശാഖാ പ്രസിഡന്റ് മഹേഷ്.എം.ആർ സെക്രട്ടറി ബിനോജ് ലാൽ എന്നിവർ നേതൃത്വം നൽകി.

കുന്നന്താനം: എസ്.എൻ.ഡി.പി യോഗം 50-ാം കുന്നന്താനം ശാഖാ ഗുരുദേവ ക്ഷേത്രത്തിൽ മഹാസമാധി ദിനാചരണം ആചരിച്ചു. രാവിലെ 5.30 ന് നിർമ്മാല്യ ദർശനം,6ന് അഭിഷേകം, 6.30ന് ഗണപതിഹോമം, 8 ന് സമൂഹ പ്രാർത്ഥന,10ന് കോട്ടയം ശ്രീനാരായണ ധർമ്മ പഠന കേന്ദ്രം അംഗം രാഗിണി സാബു ഗുരുധർമ്മ പ്രഭാഷണവും തുടർന്ന് തിരുവല്ല യൂണിയൻ വൈസ് പ്രസിഡന്റ് ബിജു കുറ്റിപ്പറമ്പിൽ ഗുരുദേവ പ്രഭാഷണവും നടത്തി. 2ന് സമൂഹ പ്രാർത്ഥന, 3.20ന് ദൈവദശകം, മഹാസമാധിപൂജ,മംഗളാരതി,അന്നദാനം എന്നിവ നടത്തി. വൈകിട്ട് 5.30 ന് നട തുറക്കൽ,6.45 ന് ദീപാരാധന, ദീപക്കാഴ്ച, സമൂഹ പ്രാർത്ഥന, പ്രസാദ വിതരണം എന്നിവയും നടന്നു. ശാഖാ പ്രസിഡന്റ് കെ.എം.തമ്പി, വൈസ് പ്രസിഡന്റ് എം.പി. രാധാകൃഷ്ണൻ, സെക്രട്ടറി എം.ജി.വിശ്വംഭരൻ എന്നിവർ ചടങ്ങുകൾക്ക് നേതൃത്വം നൽകിവിശ്വംഭരൻ എന്നിവർ ചടങ്ങുകൾക്ക് നേതൃത്വം നൽകി.

മല്ലപ്പള്ളി : എസ്.എൻ.ഡി.പി യോഗം 863 -ാം ശാഖാ ഗുരുദേവ ക്ഷേത്രത്തിൽ 97-ാമത് മഹാസമാധിയോട് അനുബന്ധിച്ച് രാവിലെ 5 ന് നടതുറക്കൽ,നിർമ്മാല്യ ദർശനം,ഉഷപൂജ 6 ന് വിശേഷങ്ങൾ ഗുരുപൂജ,സമൂഹ പ്രാർത്ഥന,10ന് അഖണ്ഡനാമജപ യജ്ഞം ,2.30ന് തന്ത്രി പെരുന്ന സന്തോഷ് തന്ത്രികൾ സമാധി സന്ദേശം നൽകി. 3ന് ഗുരുപുഷ്പാഞ്ജലി, 3.23ന് ദൈവദശകം,സമാധി പ്രാർത്ഥന, പുഷ്പാഭിഷേകം,പ്രസാദ വിതരണം, കഞ്ഞിവീഴ്ത്തൽ എന്നിവ നടത്തി.പ്രസിഡന്റ് ജയൻ.സി.വി സെക്രട്ടറി ശൈലജ മനോജ് എന്നിവരുടെ നേതൃത്വത്തിലായിരുന്നു ചടങ്ങ്.

വലിയകുന്നം : എസ്.എൻ.ഡി.പി യോഗം 1515 -ാം ശാഖാ ഗുരുദേവ ക്ഷേത്രത്തിൽ രാവിലെ 5 മുതൽ ക്ഷേത്ര ചടങ്ങുകൾക്ക് പുറമേ ഗുരുപൂജ, സമൂഹപ്രാർത്ഥന, 3.20ന് സമാധിപൂജ,കഞ്ഞിവീഴ്ത്തൽ എന്നിവ നടത്തി. ശാഖാപ്രസിഡന്റ് പി.കെ.സുകുമാരൻ, വൈസ് പ്രസിഡന്റ് സോമരാജൻ , സെക്രട്ടറി അനില ഹരിദാസ്,യൂണിയൻ കമ്മിറ്റിയംഗം ഷാജി മുകുന്ദൻ എന്നിവർ ചടങ്ങുകൾക്ക് നേതൃത്വം നൽകി.

മേത്താനം: എസ്.എൻ.ഡി.പി യോഗം 4660-ാംശാഖയിൽ മഹാ സമാധി ദിനത്തോടനുബന്ധിച്ച് ഗുരുപൂജ, ഗുരു പുഷ്പാഞ്ജലി,കുടുംബ പ്രാർത്ഥന യൂണിറ്റുകളുടെ സംയുക്താഭിമുഖ്യത്തിൽ സമൂഹ പ്രാർത്ഥന,ഉപവാസ പ്രാർത്ഥന,സമാധിപൂജ, കഞ്ഞി വീഴ്ത്തൽ എന്നിവ നടത്തി. യൂണിയൻ കൗൺസിലർ ബിജു മേത്താനം, പ്രസിഡന്റ് സി.എൻ. കരുണാകരൻ സെക്രട്ടറി കുഞ്ഞുകൃഷ്ണൻ തോണിയിൽ എന്നിവർ നേതൃത്വം നൽകി.