പത്തനംതിട്ട : പത്തുവയസുകാരിയെ ലൈംഗികമായി പീഡിപ്പിച്ച കേസിൽ ബന്ധുവും സുഹൃത്തും കോയിപ്രം പൊലീസിന്റെ പിടിയിലായി. തിരുവനന്തപുരം നെയ്യാർ മൈലക്കര പുലിക്കുഴി കിഴക്കൻകര പുത്തൻവീട്ടിൽ നിന്നും തോട്ടപ്പുഴശ്ശേരി നെടുംപ്രയാർ പ്രമാടത്തുപാറ താമസിക്കുന്ന ബി.ജയൻ(45), സുഹൃത്ത് പന്തളം കുളനട മാന്തുക ആഞ്ഞിലി മൂട്ടിൽ വടക്കേതിൽ പി.വി സുരേഷ്(38) എന്നിവരെയാണ് അറസ്റ്റുചെയ്തത്. കഴിഞ്ഞ ജൂൺ 5നാണ് മീൻ വാങ്ങിക്കാൻ കൂട്ടിക്കൊണ്ടുപോയശേഷം ആറന്മുളയിലെ ഒരു വീട്ടിൽ വച്ച് ഇരുവരും ആദ്യം പീഡിപ്പിച്ചത്. കുട്ടിയുടെ നഗ്നഫോട്ടോകൾ മൊബൈലിൽ പകർത്തുകയും അശ്ലീലവീഡിയോകൾ കാണിക്കുകയും ചെയ്തു.
പിന്നീട് പലതവണ കുട്ടിയുടെ വീട്ടിൽ വച്ചും പീഡിപ്പിച്ചു. കൊല്ലുമെന്ന് ഭീഷണിപ്പെടുത്തുകയും ചെയ്തു. വിവരം പൊലീസ് ഹെൽപ് ലൈൻ മുഖേന അറിഞ്ഞ കോയിപ്രം പൊലീസ് ഇരുവരെയും പിടികൂടുകയായിരുന്നു. പ്രതികളെ കോടതിയിൽ ഹാജരാക്കി റിമാൻഡ് ചെയ്തു.