പന്തളം: പൂഴിക്കാട് തെക്ക് വൈപ്പിൻ നഗർ റസിഡന്റ്സ് അസോസിയേഷന്റെ ഏഴാമത് വാർഷികവും ഓണാഘോഷവും നടത്തി. സ്‌പെഷ്യൽ ബ്രാഞ്ച് ഡിവൈ.എസ്.പി സുനിൽ കുമാർ ഉദ്ഘാടനം ചെയ്തു. പ്രസിഡന്റ് ബാബുക്കുട്ടി കെ.മാത്യു
അദ്ധ്യക്ഷത വഹിച്ചു. സിനി ആർട്ടിസ്റ്റ് സന്ദീപ് കുമാർ ഓണസന്ദേശം നൽകി. മുഖ്യമന്ത്രിയുടെ പ്രഥമ വനിതാ ഫോറസ്റ്റ് മെഡൽ ജേതാവ് എം.സിന്ധുവിനെ ആദരിച്ചു. നഗരസഭ ക്ഷേമകാര്യ സ്റ്റാൻഡിംഗ് കമ്മിറ്റി ചെയർപേഴ്സൺ കെ.സീന പ്രസംഗിച്ചു. മികച്ച വിജയം നേടിയവരെ ആദരിച്ചു. ബാബു വർഗീസ് സ്വാഗതവും രാജു ഡാനിയേൽ നന്ദിയും പറഞ്ഞു.