അനധി​കൃത പാർക്കിംഗും വി​ന

കൊല്ലം: പുതിയകാവിൽ നിന്ന് പബ്ലിക്ക് ലൈബ്രറിയിലേക്കുള്ള റോഡ് തകർന്ന് മാസങ്ങളായിട്ടും നന്നാക്കാത്തതിനാൽ യാത്രക്കാർ . യാത്രക്കാർ ദുരി​തത്തി​ൽ കോർപ്പറേഷന്റെ അധീനതയിലുള്ള റോഡാണിത്.

ഈ റോഡിന് സമീപത്തെ തീയറ്ററിന് മുന്നിലുള്ള ആഴമേറി​യ കുഴി യാത്രക്കാർക്ക് അപകടഭീഷണി ഉയർത്തുന്നുണ്ട്. കനത്ത മഴയത്ത് കുഴികളിൽ വെള്ളം നിറഞ്ഞ് ഇരുചക്ര വാഹന യാത്രി​കർ അപകടർത്തി​പ്പെടുന്നതും പതി​വാണ്. പുതിയകാവ് ഭഗവതിക്ഷേത്രം, തീയറ്റർ, പൊലീസ് ക്ലബ്, പബ്ലിക്ക് ലൈബ്രറി, കെ.എസ്.ഇ.ബി എൻജിനിയറിംഗ് വിഭാഗം, ബാങ്കുകൾ എന്നിവിടങ്ങളിലേക്ക് പോകാനുള്ള എളുപ്പ മാർഗമായി ഈ റോഡാണ് ഉപയോഗിക്കുന്നത്. ക്ഷേത്രത്തിന്റെ മതിൽ അവസാനിക്കുന്ന ഭാഗം മുതൽ എസ്.എം.പി റോഡിലേക്ക് പ്രവേശിക്കുന്നി​ടം വരെ പലേടത്തും ടാർ ഇളകി കുഴി രൂപപ്പെട്ടു.

നൂറ് കണക്കിന് ആളുകളാണ് ക്ഷേത്രത്തിലേക്കും തി​യേറ്ററിലേക്കുമായി ദിനംപ്രതി എത്തുന്നത്. റോഡിന് ഇരുവശത്തും അനധികൃതമായി വാഹനങ്ങൾ പാർക്ക് ചെയ്തിരിക്കുന്നതിനാൽ, വീതികുറഞ്ഞ റോഡിൽ എതിർവശത്ത് നിന്ന് വരുന്ന വാഹനത്തിന് സൈഡ് നൽകാനാവാത്ത അവസ്ഥയുണ്ട്. ഇതു മൂലം വാഹനങ്ങൾക്ക് കുഴിയിൽ വീഴാതെ പോകാനും കഴി​യി​ല്ല. സമീപത്തെ വ്യാപാരികളും യാത്രക്കാരും ഉൾപ്പെടെയുള്ളവർ, റോഡ് നന്നാക്കണമെന്ന് നിരവധി തവണ ആവശ്യപ്പെട്ടെങ്കിലും അധികൃതർ കേട്ടഭാവം നടിച്ചില്ല. രാത്രിയിൽ മതിയായ വെളിച്ചമില്ലാത്തതും അപകടക്കെണി​യാവുന്നു. ക്ഷേത്രത്തിന് മുന്നിലൂടെയുള്ള റോഡ് അവസാനിക്കുന്നിടത്തെ എസ്.എം.പി റോഡിന്റെ അവസ്ഥ അഞ്ച് വർഷമായി ഇതിലും മോശമാണ്.

പ്രവേശനമി​ല്ലാത്ത റോഡി​ൽ സ്വകാര്യ ബസുകൾ

സ്വകാര്യ ബസുകൾക്ക് പ്രവേശനമില്ലാത്ത പുതിയകാവ് റോഡിൽ ട്രിപ്പിനിടെയുള്ള സമയനഷ്ടം ഒഴിവാക്കാൻ ക്ഷേത്രത്തിൽ തിരക്കുള്ള സമയങ്ങളിൽ ഭക്തർക്കി​ടയി​ലൂടെ ബസുകൾ സഞ്ചരിക്കുന്നത് പതിവ് കാഴ്ചയാണ്. റോഡിന്റെ ശോചനീയാവസ്ഥ എത്രയും വേഗം പരിഹരിക്കണമെന്നാണ് യാത്രക്കാരുടെ ആവശ്യം.

റോഡ് റീ ടാറിംഗ് നടത്താനുള്ള എസ്റ്റിമേറ്റ് നടപടികൾ പുരോഗമിക്കുകയാണ്. 2024-25 സാമ്പത്തിക വർഷത്തെ പ്രോജക്ടിൽ പുതിയകാവ് ക്ഷേത്രത്തിന് മുന്നിലുള്ള റോഡ് നന്നാക്കാൻനടപടികൾ സ്വീകരിക്കും.

അഡ്വ. എ.കെ. സവാദ്, ഡിവിഷൻ കൗൺസിലർ