കൊല്ലം: വീട്ടിൽ അതിക്രമിച്ച് കയറി യുവാവിനെ ആക്രമിച്ച് മാരകമായി പരിക്കേൽപ്പിച്ച അഞ്ചംഗസംഘം പിടിയിലായി. കൃഷ്ണപുരം ചീലാന്തറ തെക്കതിൽ നൗഫൽ (30), കൃഷ്ണപുരം ചീലാന്തറ വീട്ടിൽ വിഷ്ണു (23), കൃഷ്ണപുരം കിഴക്കേവീട്ടിൽ നിതീഷ് മോഹൻ (25), കൃഷ്ണപുരം മംഗലത്ത് പടീറ്റതിൽ മഹേഷ് (20), കൃഷ്ണപുരം ഉമ്മവീട്ടിൽ കിഴക്കതിൽ ഷെജീം (23) എന്നിവരാണ് ഓച്ചിറ പൊലീസിന്റെ പിടിയിലായത്. കഴിഞ്ഞ 30 ന് രാത്രി 10 ഓടെയായിരുന്നു സംഭവം. തഴവ സ്വദേശിയായ യുവാവിന്റെ വീട്ടിലാണ് സംഘം അതിക്രമിച്ച് കയറിയത്. ഓച്ചിറ പൊലീസ് ഇൻസ്‌പെക്ടർ സുജാതൻ പിള്ളയുടെ നേതൃത്വത്തിൽ എസ്.ഐ നിയാസ്, സി.പി.ഒമാരായ അനു, കനിഷ്, പ്രേംസൺ, വൈശാഖ് എന്നിവർ ചേർന്നാണ് പ്രതികളെ പിടികൂടിയത്.