കൊല്ലം: പി​ന്നി​ലൂടെ വന്ന കാർ ഇടി​ച്ചതി​നെത്തുടർന്ന് റോഡി​ലേക്കു തെറി​ച്ച ബൈക്ക് യാത്രി​കനെ വഴി​ച്ചി​ഴച്ച് ​ കാർ പാഞ്ഞു. ഓടി​ക്കൂടി​യ നാട്ടുകാർ കാർ തടഞ്ഞ് യുവാവി​നെ രക്ഷപ്പെടുത്തി​. കാറുമായി​ യുവാക്കൾ രക്ഷപ്പെട്ടു.

ഇന്നലെ വൈകി​ട്ട് 6.50നു കൊല്ലം മൂന്നാം കുറ്റി ജംഗ്ഷനിലായിരുന്നു സംഭവം. കല്ലുംതാഴം ഭാഗത്തു നിന്നു കരിക്കോടേക്ക് ബൈക്കിൽ വരുകയായിരുന്ന ചാത്തിനാംകുളം തെക്കേകൈപ്പള്ളിൽ ദിലീപ് കുമാറിനെയാണ് (42) കാർ ഇടിച്ചു വീഴ്ത്തി റോഡിലൂടെ വലിച്ചിഴച്ചത്. സാരമായി പരി​ക്കേറ്റ ദിലീപ് കുമാറിനെ കൊല്ലത്തെ സ്വകാര്യ മെഡി. ആശുപത്രിയിൽ പ്രവേശിപ്പിച്ചു. ദിലീപ് കുമാറിന്റെ ബൈക്കിനു പിന്നിൽ അമിത വേഗത്തി​ൽ എത്തിയ കാർ മൂന്നാം കുറ്റി ജംഗ്ഷനു സമീപത്തു വച്ച് ഇടിച്ചു. ബൈക്ക് റോഡിന്റെ ഒരു വശത്തേക്കു വീണു. ഇടിച്ച വാഹനം ഇവിടെ നിറുത്താതെ പിന്നിലേക്ക് എടുത്ത ശേഷം അമിത വേഗത്തി​ൽ വീണ്ടും കരിക്കോട് ഭാഗത്തേക്കു പാഞ്ഞു. ഇതിനിടെയാണു ദിലീപ് വാഹനത്തിന്റെ അടിയിൽ കുടുങ്ങിയത്. നിരീക്ഷണ ദൃശ്യങ്ങൾ പരിശോധിച്ച് കാറിനായുള്ള അന്വേഷണം ആരംഭിച്ചു. ഒരു സംഘം യുവാക്കൾ ബഹളം വച്ചുകൊണ്ടാണ്, അപകടം സൃഷ്ടിച്ച കാറിൽ സഞ്ചരിച്ചതെന്ന് സഥലത്തുണ്ടായിരുന്നവർ പറഞ്ഞു.