കൊല്ലം: പടിഞ്ഞാറെ കല്ലടയി​ൽ ഓണത്തോടനുബന്ധിച്ച് സർക്കാർ അനുവദിച്ച രണ്ട് ചന്തകൾ വെസ്റ്റ് കല്ലട സർവീസ് സഹ. ബാങ്കി​ന്റെ ആഭി​മുഖ്യത്തി​ൽ ആരംഭി​ച്ചു, ബാങ്കിന്റെ ഹെഡ് ഓഫീസിനോട് ചേർന്നും കടപുഴയിൽ പ്രവർത്തിക്കുന്ന ബാങ്കിന്റെ നീതി സ്റ്റോറിനോട് ചേർന്നുമാണ് ചന്തകൾ പ്രവർത്തിക്കുന്നത്. 13 ഇനം സബ്‌സിഡി സാധനങ്ങളും മുപ്പതോളം നോൺ സബ്സിഡി സാധനങ്ങളും ലഭ്യമാണ്.
ബാങ്ക് ആരംഭിച്ച ഓണച്ചന്തകളുടെ ഉദ്ഘാടനം ആദ്യ വില്പന നടത്തി ബാങ്ക് പ്രസിഡന്റ് കല്ലട ഗിരീഷ് നിർവഹിച്ചു. തുടർന്ന് നടന്ന യോഗത്തിൽ ബാങ്ക് സീനിയർ ഭരണസമിതി അംഗം എ.കെ. സലീബ് അദ്ധ്യക്ഷത വഹിച്ചു. പഞ്ചായത്ത് സ്റ്റാൻഡിംഗ് കമ്മിറ്റി ചെയർമാൻ സുധീർ, ബാങ്ക് ഭരണസമിതി അംഗങ്ങളായ ജ്യോതിസ്, സുരേഷ് ചന്ദ്രൻ, സുബ്രഹ്മണ്യൻ, ബാങ്ക് സെക്രട്ടറി ഷീന, കാരാളിമുക്ക് ബ്രാഞ്ച് മാനേജർ വിഷ്ണു തുടങ്ങിയവർ സംസാരിച്ചു.